بلی کو خوراک کے ذریعے بہلا پھسلا کر چوری کرنے کی کوشش پڑوسی کو مہنگی پڑگئی‘ہزاروں ڈالر جرمانہ

پیر 12 مئی 2025 20:40

جنیوا(اُردو پوائنٹ اخبارتازہ ترین - آن لائن۔ 12 مئی2025ء)ایک 68 سالہ سوئس خاتون کے خلاف اس کے پڑوسی نے عدالت میں کیس کرتے ہوئے دعویٰ کیا کہ اس کے تحریری طور پر منع کرنے کے باوجود مذکورہ بالا پینشنر خاتون نے اسکی پالتو بلی کو منظم طریقے سے مہینوں فیڈنگ کی۔ یہ غیر عمومی واقعہ سوئٹزر لینڈ کے شہر زیورخ میں پیش آیا جہاں پر اس معمر خاتون پر الزام ہے کہ یہ پڑوسی کی بلی کو چرانے کی نیت سے اسے گزشتہ دس ماہ سے کھانے کا لالچ دیتی ہے۔

(جاری ہے)

مدعی کا دعویٰ ہے کہ اس نے خاتون کو بار بار منع کیا، یہاں تک کہ تحریری طور پر بھی اسے اپنی بلی لیو کو کھانا دینے سے روکا، لیکن وہ اس حرکت سے باز نہ آئی، بلکہ اس نے اپنے دروازے پر بلی کا فلیپ بھی لگا دیا تاکہ بلی اپنی مرضی کے مطابق آ اور جا سکے۔ اس نے مزید بتایا کہ اس خاتون کے اس اقدام کی وجہ سے بلی نے ہمارے پاس آنا بند کر دیا جبکہ ہم اس کے لیے کھانا بناتے لیکن وہ بچ جاتا ہے۔اس صورتحال پر سوئس پبلک پراسیکیوٹر کے دفتر نے ملزمہ کو 800 سوئس فرانک (950 امریکی ڈالر) کا جرمانہ ادا کرنے کا حکم دیا اور اس غیر قانونی اقدام پر 3600 فرانک (4,273 امریکی ڈالر) کا سسپنڈڈ فائن بھی کیا۔ لیکن معمر پینشنر خاتون نے رقم دینے سے انکار کیا جس پر کیس عدالت میں ختم ہوگیا۔