فیصل آباداعلیٰ و ثانوی تعلیمی بورڈکے زیراہتمام کلاس نہم کی سنگل فیس کیساتھ آن لائن رجسٹریشن 29 مئی تک کی جا ئے گی، کنٹرولر امتحانات

منگل 13 مئی 2025 12:32

فیصل آباد (اُردو پوائنٹ اخبارتازہ ترین - این این آئی۔ 13 مئی2025ء)اعلیٰ و ثانوی تعلیمی بورڈفیصل آبادکے زیر اہتمام کلاس نہم کی آن لائن رجسٹریشن اور تعلیمی سال 2025-27میں داخلوں کا سلسلہ جاری ہے۔

(جاری ہے)

بورڈ آف انٹرمیڈیٹ اینڈ سیکنڈری ایجوکیشن فیصل آباد کے کنٹرولر امتحانات ڈاکٹر محمد جعفر علی نے بتایا کہ پنجاب بورڈز کمیٹی آف چیئرپرسنز کے فیصلہ کی روشنی میں بورڈ آف انٹرمیڈیٹ اینڈ سیکنڈری ایجوکیشن فیصل آباد، سرگودھا، ساہیوال، ملتان، گوجرانوالہ، بہاولپور، ڈی جی خان، راولپنڈی، لاہور کے زیر اہتمام کلاس نہم تعلیمی سال 2025-27 کی آن لائن رجسٹریشن اور داخلہ کی بغیر لیٹ فیس تاریخ29 مئی 2025 تک ہے۔

انہوں نے بتایا کہ کلاس نہم میں آن لائن رجسٹریشن اور داخلہ کی لیٹ فیس 600 روپے فی طالبعلم کے حساب سے آخری تاریخ 30 مئی 2025 سے 13 جون 2025 تک ہے۔ انہوں نے بتایا کہ مذکورہ حتمی تاریخ کے بعدکلاس نہم کی آن لائن رجسٹریشن اور داخلہ نہیں کیا جا ئے گا۔ انہوں نے کہا کہ اس ضمن میں مزید رہنمائی یا معلومات کیلئے اعلیٰ و ثانوی تعلیمی بورڈ فیصل آباد کی میٹرک امتحانی برانچ سے رابطہ کیا جاسکتا ہے