Live Updates

اداکار جانی ڈیپ ایک بار پھر فلمی دنیا میں قدم جمانے کیلئے کوشاں

اب وہ اپنے فلمی کیرئیر پر توجہ دے رہے ہیں، ان کی اگلی فلم 2026 میں ریلیز ہوگی

منگل 13 مئی 2025 13:39

اداکار جانی ڈیپ ایک بار پھر فلمی دنیا میں قدم جمانے کیلئے کوشاں

نیویارک (اُردو پوائنٹ اخبارتازہ ترین - این این آئی۔ 13 مئی2025ء)شوبز دنیا کے مشہور اور سب سے زیادہ معاوضہ لینے والے اداکار جانی ڈیپ نے 650 ملین ڈالر گنوا دیے، وہ ایک بار پھر فلمی دنیا میں قدم جمانے کیلیے کوشاں ہیں۔میڈیا رپورٹ کے مطابق 61 سالہ جانی ڈیپ ایک وقت فلمی دنیا میں سب سے زیادہ معاوضہ لینے والے اداکار تھے، ان کی مجموعی دولت 900 ملین ڈالر تھی۔

(جاری ہے)

رپورٹ کے مطابق اداکار کو ان کے حد سے زائد اخراجات نے تباہی کے دہانے پر پہنچا دیا، وہ اپنی کمائی کا بڑا حصہ یعنی 650ملین ڈالر گنوا چکے ہیں اور انہیں 100 ملین ڈالرز کا قرض بھی ادا کرنا ہے۔میڈیا رپورٹ کے مطابق جانی ڈیپ نے چند سال قبل سابقہ اہلیہ اور اداکارہ ایمبرہرڈ سے طویل قانونی جنگ لڑی، اب وہ اپنے فلمی کیرئیر پر توجہ دے رہے ہیں، ان کی اگلی فلم 2026 میں ریلیز ہوگی۔ہالی ووڈ کا نامور اداکار مقروض کیسے ہوگیا اس نے 650 ملین ڈالرز کیسے گنوا دیی ان کو اس مقام تک پر تعیش زندگی اور ناقص فنانشل منصوبہ بندی نے پہنچایا ہے، جانی ڈیپ نے اس دوران ہر ماہ 30 ہزار ڈالر کی شراب نوشی کی اور جزیرے خریدے، وہ اسی دوران 100 ملین ڈالر کے قرض میں بھی پھنس گئے۔