میکسیکو ، انتخابی مہم کے دوران فائرنگ، میئر امیدوار سمیت 4 افراد قتل

کوئی بھی عوامی عہدہ انسانی جان سے قیمتی نہیں، ہم مقتول کو ضرور انصاف دلائیں گے،ریاستی گورنر

بدھ 14 مئی 2025 12:25

میکسیکوسٹی(اُردو پوائنٹ اخبارتازہ ترین - این این آئی۔ 14 مئی2025ء)میکسیکو کی خلیجی ریاست ویراکروز میں یکم جون کو ہونے والے انتخابات سے قبل خوفناک تشدد کا سلسلہ جاری ہے۔میڈیارپورٹس کے مطابق حکمران جماعت مورینا کی میئر کی نشست کی خاتون امیدوار ییسینیا لارا گوتیرز کو مسلح افراد نے انتخابی مہم کے دوران حملہ کر کے قتل کردیا، ان کے ساتھ موجود 4 افراد بھی جان سے گئے اور 3 افراد زخمی ہوئے۔

یہ رواں انتخابی مہم کے دوران ویراکروز میں کسی بلدیاتی امیدوار کے قتل کا دوسرا واقعہ ہے۔

(جاری ہے)

اس سے قبل 29 اپریل کو مہم کے پہلے دن مورینا پارٹی کے ایک اور امیدوار جرمن انوئر والنسیا کو ریاست کے شمالی علاقے کوکسکوہوئی میں ان کے دفتر میں قتل کر دیا گیا تھا۔ریاستی گورنر روسیو ناہلے نے واقعے کو ناقابل قبول قرار دیا اور کہا کہ کوئی بھی عوامی عہدہ انسانی جان سے قیمتی نہیں، ہم مقتول کو ضرور انصاف دلائیں گے۔گورنر نے اعلان کیا کہ ریاست میں انتخابات کو آزاد اور منصفانہ بنانے کیلیے مکمل سرکاری طاقت استعمال کی جائے گی۔ویراکروز میں کل 212 بلدیاتی حلقوں میں انتخابات ہونے جا رہے ہیں اور اب تک 57 امیدواروں نے ریاستی و وفاقی حکومت سے سیکیورٹی فراہم کرنے کی درخواست دی ہے۔