ایران کے مسئلے پر قطر نے بہت زیادہ مدد کی ، امریکا

جمعرات 15 مئی 2025 09:00

دوحہ (اُردو پوائنٹ اخبارتازہ ترین - اے پی پی۔ 15 مئی2025ء) امریکی صدر ڈونلڈ ٹرمپ نے اعتراف کیا ہے کہ ایران کے مسئلے پر قطر نے امریکا کی بہت زیادہ مدد کی ہے۔

(جاری ہے)

قطر کے امیر شیخ تمیم بن حمد آل ثانی کے ساتھ ایک مشترکہ پریس کانفرنس میں امریکی صدر نے اعلان کرتے ہوئے اُمید ظاہر کی کہ قطر کی سفارتی کوششیں اس حوالے سے کامیاب ہوں گی۔انہوں نے اعلان کیا کہ امریکا اور قطر کے درمیان تجارتی اور دفاعی معاہدے طے پا گئے ہیں۔امیر قطر نے اس موقع پر کہا کہ امریکا کے ساتھ قطر کے تعلقات ایک نئے مرحلے میں داخل ہو چکے ہیں اور یہ تاریخی دورہ ان تعلقات کو مزید تقویت دے گا۔