ہم غنڈہ گردی کے آگے نہیں جھکیں گی!ایرانی صدر کا ٹرمپ کو کرارا جواب

امریکہ نے حال ہی میں ایران کے بیلسٹک میزائل پروگرام سے منسلک افراد اور اداروں پر نئی پابندیاں عائد کی ہیں

جمعرات 15 مئی 2025 22:44

تہران(اُردو پوائنٹ اخبارتازہ ترین - آن لائن۔ 15 مئی2025ء) ایرانی صدر مسعود پزشکیان نے امریکی صدر ڈونلڈ ٹرمپ کی جانب سے تہران پر تنقید کو سختی سے مسترد کرتے ہوئے واضح کیا ہے کہ ایران کسی بھی قسم کی دھمکی یا غنڈہ گردی کے آگے نہیں جھکے گا۔

(جاری ہے)

ایرانی صدر نے امریکی صدر کے حالیہ خلیجی ممالک کے دورے کے دوران دیے گئے بیانات پر ردعمل دیتے ہوئے کہا: "کیا آپ ہمیں ڈرانے کے لیے آئے ہیں ہم ایسے ہتھکنڈوں سے نہیں ڈرتے، اور شہادت کی موت ہمارے لیے بستر پر مرنے سے کہیں زیادہ عزیز ہے۔دوسری جانب سعودی عرب میں موجود صدر ٹرمپ نے کہا ہے کہ وہ ایران سے معاہدہ کرنا چاہتے ہیں، لیکن اگر ایسا نہ ہوا تو ایران کو سخت معاشی پابندیوں کا سامنا کرنا پڑے گا۔