ب*9 مئی: بانی پی ٹی آئی ضمانت کی درخواستوں پر سماعت 27 مئی تک ملتوی

جمعرات 15 مئی 2025 19:55

ؤلاہور (اُردو پوائنٹ اخبارتازہ ترین - آن لائن۔ 15 مئی2025ء) لاہور ہائیکورٹ میں بانی پی ٹی آئی کی نو مئی کے آٹھ مقدمات میں ضمانت کی درخواستوں پر سماعت ہوئی۔ جسٹس سید شہباز علی رضوی کی سربراہی میں دو رکنی بینچ نے پراسیکیوشن کی سماعت غیر معینہ مدت کیلئے ملتوی کرنے کی استدعا مسترد کر تے ہوئی27 مئی کو حتمی دلائل طلب کر لئے۔ عدالت نے ریمارکس دیئے کہ ہم اس کیس کو غیر معینہ مدت کیلئے ملتوی نہیں کرسکتے، سرکاری وکیل نے موقف اپنایا کہ ٹرائل کورٹ نے بانی پی ٹی آئی کے فوٹو گرامیٹک، وائس میسیج ٹیسٹ کرانے کا حکم دیا ہے، ٹرائل کورٹ نے تفتیشی افسر کو اڈیالہ جیل میں بانی پی ٹی آئی سے تفتیش کی ہدایت کی ہے، استدعا ہے کہ سماعت غیر معینہ مدت کیلئے ملتوی کردی جائے،اس دوران بانی چیئرمین پی ٹی آئی سے تفتیش بھی مکمل کرلیں گے۔

(جاری ہے)

بیرسٹر سلمان صفدر نے موقف اپنایا کہ727 دنوں کے بعد انہوں نے ایک نئی گرائونڈز لے رہے ہیں، میں عدالت کے سامنے ٹرائل کورٹ کے فیصلے کیخلاف آیا ہوں، سردیوں میں درخواستیں دائر کیں اب گرمیاں آگئی ہیں، سپریم کورٹ نے شریک ملزم اعجاز چوہدری کی ضمانت منظور کرنے کا فیصلہ آگیا ہے، انہی گرائونڈز پر دلائل دینے کی اجازت دی جائے، بانی پی ٹی آئی کی اسی نوعیت کے 21 کیسوں میں ضمانت منظور ہو چکی، پراسیکیوشن اپنی کوتاہی کی سزا درخواست گزار کو دینا چاہتا ہے۔