اسسٹنٹ کمشنر غازی خولہ طارق کی سربراہی میں افواج پاکستان کو خراج تحسین پیش کرنے کیلئے یوم تشکر تقریب

جمعہ 16 مئی 2025 13:50

ہری پور (اُردو پوائنٹ اخبارتازہ ترین - اے پی پی۔ 16 مئی2025ء) تحصیل غازی میں ”آپریشن بنیان مرصوص“ کی کامیابی پر افواج پاکستان کو خراج تحسین پیش کرنے کیلئے یوم تشکر تقریب منعقد ہوئی۔ تقریب کی سربراہی اسسٹنٹ کمشنر غازی خولہ طارق نے کی۔

(جاری ہے)

تقریب میں سب ڈویژنل پولیس آفیسر، تحصیل چیئرمین غازی، اسسٹنٹ ڈائریکٹر لوکل گورنمنٹ، تحصیل خطیب، ایڈمن آفیسر ٹی ایم اے غازی، تحصیلدار غازی، لائن ڈیپارٹمنٹس، ریونیو و لوکل گورنمنٹ سٹاف اور دیگر سیاسی و سماجی شخصیات نے شرکت کی۔

تقریب کا آغاز تلاوت کلام پاک سے کیا گیا جس کے بعد پرچم کشائی کی تقریب ہوئی۔ پاکسانی افواج کی فتح اور شہداءکیلئے ایک منٹ کی خاموشی اختیار کی گئی۔ بعد ازاں شہداءاور پاکستان اور افواج پاکستان کی سالمیت و سلامتی کیلئے خصوصی دعا کی گئی۔ تقریب سے اسسٹنٹ کمشنر غازی، تحصیل چیئرمین اور وی سی چیئرمین نے خطاب کیا اور افواج پاکستان کی قربانیوں اور جدوجہد کو سراہا۔ تقریب کے اختتام پر ٹی ایم اے آفس غازی سے یکجہتی ریلی بھی نکالی گئی۔