بھارتی جارحیت کے خلاف پاکستان کی شاندار فتح پر اللہ تعالی کے حضور سجدہ شکر بجا لاتے ہیں‘محسن نقوی

جمعہ 16 مئی 2025 21:48

اسلام آباد(اُردو پوائنٹ اخبارتازہ ترین - آن لائن۔ 16 مئی2025ء)وفاقی وزیرداخلہ محسن نقوی نے کہا ہے کہ بھارتی جارحیت کے خلاف پاکستان کی شاندار فتح پر اللہ تعالی کے حضور سجدہ شکر بجا لاتے ہیں۔دشمن نے ہمیشہ کی طرح رات کے اندھیرے میں حملہ کیا مگر بہادرسپوتوں نے اسے عبرتناک سبق سکھا دیا۔ یوم تشکر پر پیغام میں وزیرداخلہ محسن نقوی نے کہا کہ بھارتی جارحیت کے خلاف پاکستان کی شاندار فتح پر اللہ تعالی کے حضور سجدہ شکر بجا لاتے ہیں۔

شہدائے وطن کو سلام۔ جن کی بے مثال قربانیوں کی بدولت معرکہ حق میں فتح نصیب ہوئی۔ محسن نقوی نے کہا کہ بزدل دشمن نے ہمیشہ کی طرح اس بار بھی رات کے اندھیرے میں حملہ کیا۔پاکستان کے بہادر سپوتوں نے دشمن کو عبرتناک سبق سیکھا کر شکست فاش دی۔

(جاری ہے)

محسن نقوی نے کہا کہ طاقت کے گھمنڈ میں مست دشمن چند گھنٹے بعد ہی میدان چھوڑ کر بھاگ گیا۔ پاکستان کے شاہینوں نے 6 بھارتی طیاروں کو خاک کی دھول چٹا کر فضائی جنگ میں نئی تاریخ رقم کی۔

پاکستان کی جری مسلح افواج نے دشمن کو اینٹ کا جواب پتھر سے دے کر عظیم کامیابی کا سنہرا باب رقم کیا ۔ محسن نقوی نے کہا کہ یہ افواج پاکستان کے ساتھ خوددار اور باوقار پاکستانی قوم کی فتح ہے۔ جس پر ہر پاکستانی کا سر فخر سے بلند ہے۔آرمی چیف جنرل سید عاصم منیر ۔ چیف آف ایئر سٹاف ظہیر بابراور پاک بحریہ کے سربراہ ایڈمرل نوید اشرف کو خراج تحسین پیش کرتا ہوں ۔تینوں سروسز چیفس کی دانشمندانہ اور جراتمندانہ قیادت میں بہادر سپوتوں نے دشمن کے مذموم عزائم کو خاک میں ملایا۔