ف*9مئی : بانی پی ٹی آئی کے پولی گرافک ٹیسٹ کی اجازت دینے کا تحریری فیصلہ جاری

جمعہ 16 مئی 2025 19:55

Nلاہور (اُردو پوائنٹ اخبارتازہ ترین - آن لائن۔ 16 مئی2025ء) انسداد دہشتگری عدالت لاہور نے 9 مئی لاہور کے مقدمات میں بانی پی ٹی آئی کے پولی گرافک ٹیسٹ کی اجازت دینے کا تحریری فیصلہ جاری کردیا اے ٹی سی لاہور کے جج منظر علی گل نے 6 صفحات پر مشتمل تحریری فیصلہ جاری کر دیا عدالت نے تفتیشی افسر کو 26 مئی تک پولی گرافک، فوٹو گرامیٹک اور وٹس ایپ میچنگ ٹیسٹ مکمل کرنے کی ہدایت کردی فیصلہ میں ہدایات جاری کی گئی ہے کہ سپریٹینڈنٹ اڈیالہ جیل تفتیش متعلقہ ٹیسٹوں کے حوالے سے جیل میں ہی تمام تر انتظامات کرے، پولی گرافک اور وائس میچنگ ٹیسٹ، کا فائدہ ملزم اور پراسکیوشن دونوں کو ہو سکتا ہے، بانی پی ٹی آئی پر لگے الزامات کی سچائی جاننے کے لیے یہ ٹیسٹ مددگار ثابت ہوگا، یہ ٹیسٹ قابل قدر اور بیکار شواہد کے درمیان فرق کرنے کی مخلصانہ کوشش ہوگی، تفتیشی افسر ان ٹیسٹوں کی روشنی میں ہی درست نتائج تک پہنچے گا، بانی پی ٹی آئی کے وکیل نے اعتراض اٹھایا کہ ٹیسٹوں کی درخواست 727 دنوں بعد دائر کی گئی ہے، فیصلہ میں کہا گیا ہے کہ پراسکیوشن کے مطابق وہ بانی پی ٹی آئی کے جسمانی ریمانڈ اور پولی گرافک ٹیسٹ کے لیے متعدد عدالتوں سے رجوع کرتے رہے، بانی پی ٹی آئی کے وکیل کے مطابق، پراسکیوشن نے ٹیسٹوں کے لیے ایک ہی نوعیت کی 12 درخواستیں دائر کیں، پراسکیوشن کا عمل یہ ثابت کرتا ہے کہ وہ ان معاملے کو کھینچنا نہیں چاہتے، سپریم کورٹ کی آبزرویشن کے بعد تفتیشی افسر نے ٹیسٹ کروانے کے لیے درخواست دائر کی، اے ٹی سی لاہور نے بانی پی ٹی آئی کو سپرنٹنڈنٹ اڈیالہ جیل کے ذریعے بانی پی ٹی آئی کو دو بار نوٹس بھیجے، بانی پی ٹی آئی نے ٹیسٹ کروانے کی درخواست کے نوٹس وصول کرنے سے انکار کردیا،پراسیکیوشن کے مطابق، بانی پی ٹی آئی کے متعلق شواہد اکٹھے کرنے کے لیے ٹیسٹ کروانے ہیں، فیصلہ میں ہدایت کی جاتی ہے کہ تفتیشی افسر آئندہ سماعت پر رپورٹ جمع کرائیں۔