ایس پی ورسک ڈویژن کا سکیورٹی انتظامات کا جائزہ لینے کیلئے واپڈا کالونی کا دورہ

ہفتہ 17 مئی 2025 17:13

پشاور (اُردو پوائنٹ اخبارتازہ ترین - اے پی پی۔ 17 مئی2025ء) ایس پی ورسک ڈویژن سجاد حسین نے چائینز انجنیئرز کی سکیورٹی آڈٹ کیلئے بیس کیمپ اور واپڈا کالونی کا دورہ کیا۔ اس موقع پر ڈی ایس پی ورسک سرکل ارباب نعیم حیدر بھی موجود تھے۔ متعلقہ پولیس افسران اور انتظامیہ نے ایس پی سجاد حسین کو سکیورٹی انتظامات کے بارے بریفنگ دی۔

(جاری ہے)

ایس پی ورسک نے چائینز انجنیئرز کیساتھ بھی ملاقات کی اور سی سی ٹی وی کیمروں کی مانیٹرنگ اور سکیورٹی انتظامات کا بغور جائزہ لیا جبکہ سکیورٹی کو مزید بہتر اور موثر بنانے کی خاطر مزید اقدامات کرنے کی سختی سے ہدایت کی۔

ایس پی سجاد حسین نے کہا کہ غیر ملکیوں کی سکیورٹی اولین ترجیحات میں شامل ہے جس کے لئے تمام تر دستیاب وسائل بروکار لائے جا رہے ہیں۔ انہوں نے ڈیوٹی پر موجود پولیس اہلکاروں کو آس پاس مشکوک افراد پر کڑی نگرانی کی بھی سختی سے ہدایت کی۔ تفصیلات کے مطابق موجودہ حالات کے پیش نظر ایس پی ورسک ڈویژن نے پشاور میں مقیم چینی باشندوں کی سکیورٹی صورتحال کا جائزہ لینے کی خاطر چائینز بیس کیمپ اور واپڈا کالونی کا دورہ کیا۔