Live Updates

عمران خان کو باہر آنا ہے یہ پاکستانی عوام کا فیصلہ ہے، سلمان اکرم راجہ

میرے اوپر 20مقدمات ہیں ،مجھے پتا بھی نہیں ، آئین اور قانون کے مطابق سب نظام کو چلنے دیں، میڈیا سے گفتگو

ہفتہ 17 مئی 2025 22:07

عمران خان کو باہر آنا ہے یہ پاکستانی عوام کا فیصلہ ہے، سلمان اکرم راجہ

لاہور (اُردو پوائنٹ اخبارتازہ ترین - این این آئی۔ 17 مئی2025ء) رہنماء پی ٹی آئی سلمان اکرم راجہ نے کہا ہے کہ میرے اوپر 20مقدمات ہیں اور مجھے پتا بھی نہیں ہے، آئین اور قانون کے مطابق سب نظام کو چلنے دیں، خان صاحب کو باہر آنا ہے، یہ پاکستانی عوام کا فیصلہ ہے۔

(جاری ہے)

انسداد دہشت گردی عدالت کے باہر میڈیا سے گفتگو میں سلمان اکرم راجہ نے کہا کہ میرے اوپر 20مقدمات ہیں اور مجھے پتا بھی نہیں ہے، ہم اس نظام کے خلاف لڑ رہے ہیں، سڑکیں اس لیے ہوتی ہیں ہم باہر نکل کر آئیں، جھوٹ پر پورا نظام کھڑا ہوا ہے، صحافیوں کو دفتروں سے نکالا جا رہا ہے ۔

انہوں نے کہا کہ خان صاحب کو باہر آنا ہے، یہ پاکستانی عوام کا فیصلہ ہے۔انہوں نے کہا کہ یہ نظام ہوش کے ناخن لے، عدلیہ کو آزاد کریں، صحافت کو آزاد کریں، ہمیں بہت جلد دیکھیں گے احتجاجی سیاست کرتے ہوئے، ہمارا آئینی اور قانونی حق ہے سڑکوں پر آنا، جنگ پوری قوم نے لڑی ہے چھپ کر بات کرنے کی کوشش نہیں ہے۔سلمان اکرم راجہ نے کہا کہ آئین اور قانون کے مطابق سب نظام کو چلنے دیں، جنگ فوجیں لڑتی ہیں، اس میں کسی کا کوئی کمال نہیں، کسی ایک بندے نے جنگ نہیں لڑی۔