Live Updates

نیرج چوپڑا کا ارشد ندیم سے دیرینہ تعلقات سےانکار، بیان پرنئی بحث چھڑ گئی

ہفتہ 17 مئی 2025 22:35

نئی دہلی (اُردو پوائنٹ اخبارتازہ ترین - این این آئی۔ 17 مئی2025ء)بھارت کے معروف جیولین تھروئر نیرج چوپڑا نے پاکستانی اولمپک گولڈ میڈلسٹ ارشد ندیم کے ساتھ دیرینہ تعلقات سے متعلق خبروں کو مسترد کردیا ہے۔اپنے بیان میں نیرج نے کہا کہ اُن کے کھیلوں کی دنیا میں کئی دوست ہیں اوروہ صرف اُنہی سے عزت سے پیش آتے ہیں جو اُن سے عزت سے بات کرتے ہیں۔

(جاری ہے)

نیرج چوپڑا کا یہ بیان سوشل میڈیا پر پاکستانی شائقین کی تنقید کے بعد سامنے آیا ہے، جب انہوں نے ارشد ندیم کو بھارت میں ہونے والے جیولین ایونٹ میں شرکت کی دعوت دی تھی جو پاک بھارت کشیدگی کے باعث منسوخ ہو گیا تھا۔

یاد رہے کہ پیرس اولمپکس میں ارشد ندیم نے شاندار کارکردگی کا مظاہرہ کرتے ہوئے 92.97 میٹر تھرو کے ساتھ گولڈ میڈل جیتا تھا، جبکہ نیرج چوپڑا سلور میڈل تک محدود رہے تھے۔