متحدہ عرب امارات میں کوسٹ گارڈ نے 16 افراد کو ڈوبنے سے بچا لیا

پیر 19 مئی 2025 08:40

دبئی (اُردو پوائنٹ اخبارتازہ ترین - اے پی پی۔ 19 مئی2025ء) متحدہ عرب امارات میں سرچ اینڈ ریسکیو سینٹر اور کوسٹ گارڈ نے ساحل کے قریب ڈوبنے والی کشتی اور کارگو شپ سے 16 افراد کو بچالیا۔امارات الیوم کے مطابق اماراتی شہری اور غیرملکیوں کو ریسکیو کیا گیا ہے۔

(جاری ہے)

ریسکیو ٹیموں نے پہلے واقعہ میں تین ایشیائی شہریوں کو بچایا، کارگو شپ ڈوبنے کے قریب تھا۔ یہ نہیں بتایا گیا حادثہ کب اور کہاں پیش آیا۔دوسرے واقعہ میں نیشنل گارڈ نے پکنک کے لیے آنے والے 13 افراد کو ریسکیو کیا، جن کی کشتی ڈوبنے والی تھی۔یاد رہے گزشتہ ہفتے ایک کارگو شپ سے ایک انڈین شہری کو ریسکیو کرکے ہستال منتقل کیا گیا تھا جو آگ لگنے سے جھلس گیا تھا۔