گولڑہ اور مارگلہ اسٹیشن پر جدید طرز کے ریسٹورنٹ بنائے جائینگے، محمد حنیف عباسی

پیر 19 مئی 2025 17:18

اسلام آباد (اُردو پوائنٹ اخبارتازہ ترین - این این آئی۔ 19 مئی2025ء)وفاقی وزیر ریلوے محمد حنیف عباسی نے کہاہے کہ گولڑہ اور مارگلہ اسٹیشن پر جدید طرز کے ریسٹورنٹ بنائے جائینگے۔ وفاقی وزیر برائے ریلوے محمد حنیف عباسی کی زیر صدارت گولڑہ اور مارگلہ اسٹیشن کو تجدید کے حوالے سے اِہم اجلاس منعقد ہوا جس میں اظہار خیال کرتے ہوئے انہوںنے کہاکہ ہمارا مقصد عوام کو بہتر ماحول فراہم کرنا ہے۔

(جاری ہے)

انہوںنے کہاکہ گولڑہ اور مارگلہ اسٹیشن پر جدید طرز کے ریسٹورنٹ بنائے جائینگے۔ انہوںنے کہاکہ ریسٹورنٹس کی مینجمنٹ کے لیے آؤٹ سورسنگ کی جائے گیانہوںنے کہاکہ عوام جب چاہے وہاں آکر لطف اندوز ہو سکیں گے ۔ انہوںنے کہاکہ جدید طرز کے الیکٹرک پولز لگائے جائیں گے۔ حنیف عباسی نے کہاکہ صاف ستھری اور آرام دہ بینچز فراہم کیے جائیں گے۔ انہوںنے کہاکہ شام کے پور فضا ماحول میں عوام لطف اندوز ہونگے۔ انہوںنے کہاکہ آس پاس کے طلبہ و طالبات کے لیے جدید کیفٹیریا بنے گا۔