میرے ہوتے ہوئے کرپشن افسوسناک ہے

لاہور (اُردو پوائنٹ اخبارتازہ ترین۔ 19 مئی2025ء) مریم نواز کا پنجاب میں کرپشن ختم نہ ہونے کا اعتراف، کہا میرے ہوتے ہوئے کرپشن افسوسناک ہے، محکمے کرپشن سے مکمل پاک نہیں ہو سکے، کرپشن کے خلاف جامع کریک ڈاؤن کرنا ہوگا۔ تفصیلات کے مطابق پیر کے روز وزیراعلیٰ پنجاب مریم نوازشریف کی زیرصدارت چھ گھنٹے طویل خصوصی اجلاس منعقد ہوا جس میں ضلعی سالانہ ترقیاتی پروگرام کا جائزہ لیا گیا۔

وزیر اعلیٰ مریم نواز شریف نی12 اضلاع کے سالانہ ترقیاتی پروگرام کی خود منظوری دی۔ دیگرباقی ماندہ اضلاع کے ترقیاتی پروگرام،انسداد تجاوازت اور بیوٹی فیکیشن سے متعلق اجلاس کل( 20مئی)دوبارہ ہو گا۔ اجلاس میں صوبے بھر کے تمام کمشنرز اور ڈپٹی کمشنرز نے شرکت کی اور ڈسٹرکٹ میں بیوٹی فیکیشن اور انسداد تجاوزات آپریشن کا جائزہ لیا گیا۔

(جاری ہے)

وزیراعلیٰ مریم نوازشریف نے کہا کہ تجاوزات کا خاتمہ اور صفائی کا معیار برقرار رکھنا بہت بڑا چیلنج ہے۔

کمشنر اور ڈی سی کو پرفارمنس کیلئے مکمل آزادی دی،کسی کو فیصلوں پر اثرانداز ہونے کی اجازت نہیں۔ ارکان اسمبلی بھی اپنے اضلاع میں بہتر ی کی تعریف کرتے ہیں۔ پرفارمنس میں ہمارا مقابلہ کسی سابقہ حکومت سے نہیں، خود سے ہے۔ مجموعی پرفارمنس بہتر رہی مگر بہتری کی بہت گنجائش ہے۔ عوام میں ریلیف کا حقیقی احساس ہی کامیابی ہے۔ وقت بہت کم ہے، عوام کے لئے بہت کچھ کرنا باقی ہے۔

وزیر اعلیٰ مریم نوازشریف نے کہا کہ محکمے کرپشن سے مکمل پاک نہیں ہو سکے، میرے ہوتے ہوئے کرپشن افسوس ناک ہے۔ کرپشن کے خلاف جامع کریک ڈاؤن کرنا ہوگا۔ اجلاس میں تمام تحصیلوں کے روڈز، مارکیٹوں اور بازاروں کی پائیدار اپ لفٹنگ کا فیصلہ کیا گیا۔ وزیراعلیٰ مریم نواز شریف نے ہر شہر میں ماڈل رکشہ سٹینڈ بنانے کا حکم دیا۔ وزیراعلیٰ مریم نواز شریف نے لینڈ ایکوزیشن کیلئے حاصل اراضی کے مالکان کو مارکیٹ ریٹ کے مطابق ادائیگی کا بھی حکم دیا۔

وزیراعلیٰ مریم نوازشریف نے تجاوزات کے خاتمے کے بعد واگزار کرائی سرکاری اراضی کی سی سی ٹی وی مانیٹرنگ کا حکم دیا اور شہروں میں واگزار اور میسر سرکاری اراضی پر سپورٹس ایریا اور اربن فارسٹ قائم کرنے کا حکم دیا۔ وزیراعلیٰ مریم نوازشریف نے انتظامی افسروں کو تجاوزات کے خاتمے کو یقینی بنانے کیلئے روزانہ وزٹ کرنے کی اورروڈز پر عارضی تجاوزات روکنے کے لئے لین مارکنگ کرنے کی ہدایت کی۔

وزیراعلیٰ مریم نوازشریف نے روڈز کے درمیان بجلی کے کھمبوں کو ہٹانے کی ہدایت کی اور نئی بننے والی سڑک کے ساتھ ٹف ٹائل فٹ پاتھ بنانے کا حکم دیا۔ وزیراعلیٰ مریم نوازشریف نے غلہ،فروٹ اور سبزی منڈی کی شہروں سے باہر منتقلی اور یکساں طرز اپ لفٹنگ کی ہدایت کی۔ وزیراعلیٰ مریم نوازشریف نے اوور ہیڈ برج پر پلانٹر اورون کلر یکساں تھیم لائٹنگ لگانے کی ہدایت کی اورسولر سٹریٹ لائٹس لگانے کا حکم دیا جبکہ روڈز کے درمیان یکساں طرز کے درخت لگانے کی ہدایت بھی کی۔

تمام اضلاع میں بلڈنگ بائی لاز پر پابندی یقینی بنانے کا حکم دیا۔ وزیراعلیٰ مریم نوازشریف نے فیصل آباد میں عوام کے لئے مزید الیکٹرک گاڑیاں فراہم کرنے اور فیصل آباد کے تاریخی گھنٹہ گھر کے ہر بازار میں بہترین انفراسٹرکچر اور بیوٹی فیکیشن کی ہدایت کی۔