استور ، وزیراعلیٰ گلگت بلتستان کی زیر صدارت محکمہ تعلیم کے سٹیئرنگ کمیٹی کا اجلاس

منگل 20 مئی 2025 15:45

استور (اُردو پوائنٹ اخبارتازہ ترین - اے پی پی۔ 20 مئی2025ء) وزیر اعلیٰ گلگت بلتستان حاجی گلبر خان کی زیر صدارت محکمہ تعلیم کے سٹیئرنگ کمیٹی اجلاس سے گفتگو کرتے ہوئے وزیر اعلیٰ نے کہا کہ عوام کو بہتر اور معیاری تعلیم کی فراہمی حکومت کی اولین ترجیحات میں شامل ہے۔ نظام تعلیم کی بہتری کے حوالے سے مختلف اصلاحات متعارف کرارہے ہیں اور محکمے کو درپیش مسائل بروقت حل کئے جارہے ہیں۔

(جاری ہے)

محکمہ تعلیم میں سٹاف کی کمی دور کرنے کیلئے سیکریٹری سروسز کو ہدایت کی گئی ہے کہ خالی آسامیوں پر بھرتیاں میرٹ کے تحت ٹیسٹنگ سروس کے ذریعے جلد عمل میں لائی جائے۔ وزیر اعلیٰ نے سیکریٹری تعلیم کو ہدایت کی کہ سیپ، BECSاور NCHD کے اساتذہ کی مستقلی خالی آسامیوں کی تقسیم کار کے تحت جلد کی جائے۔ اس موقع پر پبلک سکول اینڈ کالج گلگت کے اساتذہ کی فلاح و بہبود کے حوالے سے قائم کئے جانے والے کمیٹی کو آئندہ اجلاس میں سفارشات کو حتمی شکل دے کر پیش کرنے کے احکامات بھی دیئے گئے۔ صوبائی سیکریٹری سکول ایجوکیشن اور سیکریٹری ہائر ایجوکیشن نے محکموں کے حوالے سے وزیر اعلیٰ کو تفصیلی بریفنگ دی۔اجلاس میں سابقہ سٹیئرنگ کمیٹی کے فیصلوں پر عملدرآمدکا تفصیلی جائزہ لیا گیا۔\378