عدالت نے سرکاری ہسپتالوں میں ادویات کی عدم دستیابی کیخلاف درخواست پر جواب داخل کرانے کی مہلت دے دی

منگل 20 مئی 2025 17:19

لاہور (اُردو پوائنٹ اخبارتازہ ترین - اے پی پی۔ 20 مئی2025ء) لاہور ہائیکورٹ نے سرکاری ہسپتالوں میں ادویات کی عدم دستیابی کے خلاف درخواست پر سرکاری وکیل کو جواب داخل کرانے کی مہلت دے دی۔

(جاری ہے)

لاہورہائیکورٹ کے جسٹس ساجد محمود سیٹھی نے اظہر صدیق ایڈووکیٹ کی درخواست پر منگل کو سماعت کی۔ دوران سماعت درخواست گزار کے وکیل نے موقف اختیار کیاکہ میں خود سروسز ہسپتال اور میو ہسپتال گیا ہوں ادویات نہیں مل رہیں ۔پنجاب حکومت کے وکیل نے جواب جمع کروانے کی مہلت کی استدعا کردی۔ عدالت نے استدعا منظور کرتے ہوئے آئندہ سماعت پر سرکاری وکیل سے رپورٹ طلب کرلی ۔