Live Updates

پی سی بی نے کوچنگ اسٹاف کی تقرری کیلئے اشتہار جاری کر دیا،درخواستیں طلب

قومی ٹیم کے بیٹنگ، بائولنگ، فیلڈنگ اور اسٹرینتھ کوچز کی آسامیوں کے لیے اشتہار جاری کیا گیا

منگل 20 مئی 2025 23:38

لاہور (اُردو پوائنٹ اخبارتازہ ترین - این این آئی۔ 20 مئی2025ء) پاکستان کرکٹ بورڈ نے قومی ٹیم کے بیٹنگ، بائولنگ، فیلڈنگ اور اسٹرینتھ کوچز کی آسامیوں کے لیے اشتہار جاری کر دیا ۔ پی سی بی نے اہل اور تجربہ کار امیدواروں سے درخواستیں طلب کرتے ہوئے واضح کیا ہے کہ درخواست جمع کرانے کی آخری تاریخ 6جون 2025ہے۔پی سی بی کے مطابق کوچز کی تقرری کا مقصد پاکستان کرکٹ ٹیم کو ہر شعبے میں مزید مضبوط بنانا ہے۔

(جاری ہے)

نئے کوچز کی تلاش ایک شفاف اور میرٹ پر مبنی عمل کے تحت کی جائے گی تاکہ ٹیم کی کارکردگی کو عالمی معیار کے مطابق بہتر بنایا جا سکے۔اشتہار میں امیدواروں سے کہا گیا ہے کہ وہ اپنی تفصیلی سی وی اور دیگر متعلقہ دستاویزات کے ساتھ مقررہ تاریخ تک پی سی بی کو درخواستیں جمع کروائیں۔ بورڈ کی جانب سے کوچز کا انتخاب اہلیت، تجربے اور پیشہ ورانہ کارکردگی کی بنیاد پر کیا جائے گا۔قومی کرکٹ ٹیم کی حالیہ کارکردگی کو بہتر بنانے کے لیے پی سی بی کی جانب سے یہ اقدام مستقبل کے اہم ٹورنامنٹس کو مدنظر رکھتے ہوئے کیا گیا ہے۔