Live Updates

حسن نواز، خواجہ نافع مستقبل میں پاکستان کیلئے کھیل سکتے ہیں : سعود شکیل

ہم نے پورے پی ایس ایل میں کافی اچھی کرکٹ کھیلی ہے، اس وقت سارا دھیان کوالیفائر پر ہے : کپتان کوئٹہ گلیڈی ایٹرز

ذیشان مہتاب بدھ 21 مئی 2025 12:58

حسن نواز، خواجہ نافع مستقبل میں پاکستان کیلئے کھیل سکتے ہیں : سعود شکیل

لاہور (اردو پوائنٹ تازہ ترین اخبار ۔ 21 مئی 2025ء) پاکستان سپر لیگ (پی ایس ایل) فرنچائز کوئٹہ گلیڈی ایٹرز کے کپتان سعود شکیل نے کہا ہے کہ حسن نواز اور خواجہ نافع مستقبل میں پاکستان کے لیے کھیل سکتے ہیں۔

لاہور میں میڈیا سے گفتگو میں سعود شکیل نے کہا کہ ہم نے پورے پی ایس ایل میں کافی اچھی کرکٹ کھیلی ہے، اس وقت سارا دھیان کوالیفائر پر ہے تاکہ فائنل میں جگہ پکی کرلیں۔

انہوں نے کہا کہ ہر شعبے میں بہتری کی گنجائش ہوتی ہے، لیگ اسٹیج میں ٹاپ پر فنش کرنے کا مقصد یہ ہے کہ آپ اچھی کرکٹ کھیلے ہیں۔

سعود شکیل نے مزید کہا کہ ٹورنامنٹ کے شروع میں اچھا اسارٹ نہیں لیا لیکن بعد میں بیٹنگ میں اچھی واپسی کی، خواجہ نافع کو موقع ملا اور انہوں نے اچھا پرفارم کیا۔

(جاری ہے)

ان کا کہنا تھا کہ ہم فن ایلن کے ساتھ پورا ٹورنامنٹ کھیلے، ابھی فائنل الیون پر ڈسکس نہیں کیا کہ کون کس نمبر پر کھیلے گا۔

کوئٹہ گلیڈی ایٹرز کے کپتان نے یہ بھی کہا کہ حسن نواز کو جب پک کیا تو ان پر یقین تھا، ابتدا میں حسن نواز کے بیٹنگ آرڈر پر واضح نہیں تھے، حسن کو جتنا کریڈٹ دیا جائے کم ہوگا۔

انہوں نے کہا کہ حسن نواز نے ہر طرح کے شاٹس کھیلے اور ٹیم کی جیت میں رول ادا کیا، ان کھلاڑیوں کا پرفارم کرنا پاکستان کرکٹ کے لیے اچھا سائن ہے۔

سعود شکیل نے کہا کہ حسن نواز اور خواجہ نافع دونوں ایسے کھلاڑی ہیں جو مستقبل میں پاکستان کیلیے کھیل سکتے ہیں۔