پاک چین ،افغانستان سہہ فریقی اجلاس، سی پیک کو افغانستان تک توسیع دینے پر اتفاق

علاقائی امن و استحکام کو فروغ ، سرحدی تعاون بڑھانے، اور دہشت گردی کے مشترکہ چیلنجز سے نمٹنے کے عزم کا اظہار،مستقبل میں تعاون کے فریم ورک اور رابطوں کو جاری رکھنے پر بھی اتفاق

میاں محمد ندیم بدھ 21 مئی 2025 16:13

پاک چین ،افغانستان سہہ فریقی اجلاس، سی پیک کو افغانستان تک توسیع دینے ..

بیجنگ(اردوپوائنٹ اخبارتازہ ترین-انٹرنیشنل پریس ایجنسی۔ 21 مئی ۔2025 )پاکستان، چین اور افغانستان نے سی پیک کو افغانستان تک توسیع دینے پر اتفاق کیا ہے رپورٹ کے مطابق یہ اتفاق رائے تینوں ممالک کے درمیان چین کے دارلحکومت بیجنگ میں منعقدہ اعلی سطح کے اجلاس میں کیا گیا .

(جاری ہے)

ذرائع کے مطابق سہہ فریقی اجلاس میں پاکستان کے وزیرخارجہ اسحاق ڈار، چین کے وزیر خارجہ وانگ یی اور افغانستان کے وزیر خارجہ ملا امیر خان متقی نے شرکت کی اجلاس میں سی پیک کو افغانستان تک توسیع دینے پر اتفاق کیا گیا اجلاس میں تینوں ممالک کے وزرائے خارجہ نے اپنی اپنی ٹیموں کی قیادت کی اور خطے میں استحکام، باہمی تعاون، اقتصادی روابط، اور سیکیورٹی امور پر تفصیلی گفتگو کی گئی.

ذرائع کے مطابق یہ اجلاس مثبت، تعمیری اور دوستانہ ماحول میں منعقد ہوا اجلاس کے دوران تینوں فریقین نے علاقائی امن و استحکام کو فروغ دینے، سرحدی تعاون بڑھانے، اور دہشت گردی کے مشترکہ چیلنجز سے نمٹنے کے عزم کا اظہار کیا ذرائع کے مطابق سہہ فریقی اجلاس میں مستقبل میں تعاون کے فریم ورک اور رابطوں کو جاری رکھنے پر بھی اتفاق کیا گیا ہے.