چین کا عالمی ادارہ صحت کو 500 ملین ڈالر کی مالی امداد دینے کا اعلان

جمعرات 22 مئی 2025 16:57

جینوا (اُردو پوائنٹ اخبارتازہ ترین - اے پی پی۔ 22 مئی2025ء) چین نے اگلے پانچ سالوں میں عالمی ادارہ صحت (ڈبلیو ایچ او) کو 500 ملین ڈالر کی مالی امداد دینے کا اعلان کیا ہے۔ جنیوا میں اقوام متحدہ میں چینی مشن نے کہا کہ چین نے اگلے پانچ سال میں عالمی ادارہ صحت (ڈبلیو ایچ او) کو 500 ملین ڈالر کی مالی امداد دینے کا وعدہ کیا ہے۔مشن نے کہا کہ اقوام متحدہ کی ایجنسی کے لیے فنڈنگ میں تخمینہ شدہ شراکت میں اضافہ، رضاکارانہ شراکت کی ایک مخصوص رقم اور عالمی ترقی اور جنوبی جنوب تعاون فنڈ کے ذریعے منصوبوں کی حمایت شامل ہوگی۔

بیان میں مزید کہا گیا کہ چین ہمیشہ ڈبلیو ایچ او کو اپنے فرائض کی انجام دہی میں معاونت کرتا ہے، صحت عامہ کے بین الاقوامی تعاون کو گہرا کرتا ہے اور عالمی صحت کی حکمرانی کو مضبوط کرتا ہے۔

(جاری ہے)

اس نے اس بات پر بھی زور دیا کہ چین عالمی صحت کی حکمرانی میں ایک اہم اور مربوط کردار ادا کرنے میں ڈبلیو ایچ او کی حمایت کرتا ہے۔مشن نے کہا کہ وعدہ شدہ فنڈز کے درست استعمال پر دونوں فریقوں کی طرف سے اتفاق کیا جائے گا۔

انہوں نے مزید کہا کہ چین مالی مدد کے استعمال کی کارکردگی کو بہتر بنانے کے لیے تعاون کے طریقہ کار کو مزید تلاش کرنے کے لیے ڈبلیو ایچ او کے ساتھ مل کر کام کرنے کا منتظر ہے۔یہ اعلان ایک ایسے وقت میں سامنے آیا ہے جب ڈبلیو ایچ او کو تنظیم سے دستبرداری اور مالیاتی شراکت کو کم کرنے کے امریکی فیصلے کے بعد مالیاتی چیلنجز کا سامنا ہے ، یہ ایجنسی کے فنانسنگ منظر نامے میں ایک قابل ذکر پیشرفت ہے۔