ایم ڈی اے کی کارروائی، غیر قانونی کمرشل تعمیرات کاتعمیراتی کام رکوا کر سربمہر

جمعرات 22 مئی 2025 20:10

ملتان (اُردو پوائنٹ اخبارتازہ ترین - اے پی پی۔ 22 مئی2025ء) ملتان ڈویلپمنٹ اتھارٹی نے غیر قانونی کمرشل تعمیرات کاتعمیراتی کام رکوا کر سربمہر کر دیا۔

(جاری ہے)

ایم ڈی اے ٹیم نے کارروائی کرتے ہوئے ملتان بائی پاس روڈ موضع حامد پور کنورہ ملک ریاض ولد اللہ یار کا زیر تعمیر کمرشل ہال،ملتان بائی پاس روڈ حامد پور کنورہ نزد فہد ٹاؤن عالمگیر کے زیر تعمیر کمرشل ہال کا تعمیراتی کام رکوا کر سربمہر کر دیا۔دریں اثنا ایم ڈی اے نے تجاوزات کے خلاف کارروائی کرتے ہوئے بہاولپور بائی پاس چوک،قاسم پور کالونی نہر،بی سی جی چوک،نیو شاہ شمس کالونی کے داخلی راستے و ڈبل پھاٹک سے تجاوزات کو ہٹوا کر روڈ سائیڈز کو کلیئر کروا دیا۔