فلسطینی علاقوں سے اسرائیلی قبضے کا خاتمہ ہونا چائیے۔ ، سعودی عرب

ہفتہ 24 مئی 2025 09:20

ریاض (اُردو پوائنٹ اخبارتازہ ترین - اے پی پی۔ 24 مئی2025ء) سعودی عرب نے اقوام متحدہ کے اجلاس میں کہا ہے کہ فلسطینی علاقوں سے اسرائیلی قبضے کا خاتمہ ہونا چائیے، فلسطین کی ریاست کو تسلیم کرنا ایک سٹرٹیجک ضرورت ہے جو مشرق وسطی میں امن کا آغاز کرے گی۔عرب نیوز اور عاجل کے مطابق کانفرنس کی تیاری کے حوالے سے اقوام متحدہ کی جنرل اسبملی کے اجلاس سے خطاب میں سعودی وفد کی سربراہ منال رضوان نے کہا کہ مسئلہ فلسطین کا منصفانہ حل نہ صرف اخلاقی اور قانونی ضرورت ہے بلکہ یہ بقائے باہمی پرمبنی ایک نئے علاقائی نظام کی بنیاد بھی ہے۔

(جاری ہے)

ان کا کہنا تھافلسطینی علاقوں سے اسرائیلی قبضے کا خاتمہ ہونا چائیے۔ منال رضوان نے مزید کہا ہم مستقل اور ٹھوس، ناقابل واپسی بنیادوں پر ایسی تبدیلی کے خواہاں ہیں جو فلسطین کے مسئلے کے پرامن حل کے لیے فیصلہ کن ہو۔سعودی وفد کی سربراہ نے فلسطینی صدر محمود عباس کی جانب سے کیے جانے والے اصلاحی کاموں کی بھی سراہا۔یہ بیان ایسے وقت سامنے آیا ہے جب سعودی عرب اور فرانس آئندہ ماہ ایک بین الاقوامی کانفرنس کی مشترکہ صدارت کرنے کی تیاری کر رہے ہیں جس کا مقصد دوریاستی حل پر عملدرآمد کو تیز کرنا،اسرائیل اور فلسطینیوں کے درمیان دہائیوں سے جاری تنازع کو ختم کرنا ہے۔