Live Updates

نیشنل پیڈل رینکنگ کپ کی تیاریاں عروج پر

پاکستان پیڈل فیڈریشن کے زیر اہتمام تین روزہ نیشنل پیڈل رینکنگ کپ 30 مئی سے کراچی میں کھیلا جائے گا

ہفتہ 24 مئی 2025 11:59

کراچی (اُردو پوائنٹ اخبارتازہ ترین - این این آئی۔ 24 مئی2025ء)نیشنل پیڈل رینکنگ کپ کی تیاریاں عروج پر ہیں اور پاکستان پیڈل فیڈریشن کے زیر اہتمام تین روزہ نیشنل پیڈل رینکنگ کپ 30 مئی سے کراچی میں کھیلا جائے گا۔ گزشتہ روز پاکستان پیڈل فیڈریشن کے صدر محمد متین نے بتایا کہ ٹورنامنٹ کی تیاریاں روز و شور سے جاری ہیں اور ایونٹ تین کیٹگریز کے مقابلے رکھے گئے ہیں جن میں مینز، ویمنز اینڈ بوائز انڈر-14 کے مقابلے شامل ہیں اور ان مقابلوں میں ملک بھر سے کھلاڑی حصہ لیں گے۔

(جاری ہے)

ٹورنامنٹ کے تمام میچز شام چھ بجے سے رات ایک بجے تک کھیلے جائیں گے۔ ٹورنامنٹ میں 6 لاکھ روپے کی انعامی رقم رکھی گئی ہے اور ٹورنامنٹ کے فائنل مقابلے یکم جون کو کھیلے جائیں گے جن کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔ انہوں نے کہا کہ ٹورنامنٹ میں اچھی کارکردگی دکھانے والے کھلاڑیوں کو قومی ٹیم میں شامل کیا جائے گا اور منتخب ٹیم کے کھلاڑی روواں برس اکتوبر میں کھیلی جانے والی ایشین پیڈل چیمپئن شپ میں شرکت کرے گی۔