مودی کی جارحانہ پالیسیاں: بھارت میں غیر ملکی سرمایہ کاری داؤ پر

مالی سال 2024-25 میں بھارت کی غیر ملکی سرمایہ کاری کی شرح 96.5 فیصد تک گر گئی

ہفتہ 24 مئی 2025 20:47

نئی دہلی (اُردو پوائنٹ اخبارتازہ ترین - آن لائن۔ 24 مئی2025ء)بھارت کی غیر ملکی سرمایہ کاری تباہی کے دہانے پر، 10 بلین ڈالرز سے گر کر 353 ملین ڈالرز پر پہنچ گئی،ملکی و غیر ملکی میڈیا کے مطابق بھارت کی عالمی سطح پر جارحانہ سفارتی اور عسکری پالیسیوں کے باعث غیر ملکی سرمایہ کاروں کا عدم اعتماد بڑھ گیا،عالمی سیاسی کشیدگی اور بھارت کی جارحیت کے کھل کر سامنے آنے سے سرمایہ کار محتاط ہو گئے ،بھارت میں غیر ملکی سرمایہ کاری کی کمی سے بھارتی کرنسی اور زرمبادلہ کے ذخائر مسلسل گراوٹ کا شکار ہے،بھارتی جارحیت سے نالاں غیر ملکی سرمایہ کار اپنے سرمایے کو دوسرے ممالک منتقل کرنے لگے،مودی سرکار کی ناکام پالیسیاں بھارت کو عالمی سطح پر اقتصادی تنزلی اور سرمایہ کاری کے بحران کی جانب دھکیل رہی ہیں۔