مختلف ممالک پر 15 سے 50 فیصد ٹیرف عائد کریں گے، ٹرمپ

تیل کی قیمت مزید نیچے لانا چاہتے ہیں، توانائی پر مختلف ایشیائی ممالک کے ساتھ معاہدے کررہے ہیں،خطاب

جمعرات 24 جولائی 2025 16:44

مختلف ممالک پر 15 سے 50 فیصد ٹیرف عائد کریں گے، ٹرمپ

واشنگٹن (اُردو پوائنٹ اخبارتازہ ترین - این این آئی۔ 24 جولائی2025ء)امریکی صدر ڈونلڈ ٹرمپ نے کہا ہے کہ مختلف ممالک پر 15 سے 50 فیصد کے درمیان ٹیرف عائد کریں گے، اگر وہ امریکا میں کاروبار کھولنے پر راضی ہوتے ہیں تو ہم ان کا ٹیرف کم کر دیں گے۔

(جاری ہے)

واشنگٹن میں اے آئی سمٹ سے خطاب میں انہوں نے کہا کہ یورپی یونین کے ساتھ سنجیدہ مذاکرات کررہے ہیں۔ چین کے ساتھ بھی ڈیل کرنے والے ہیں۔امریکی صدر کا کہنا تھا کہ تیل کی قیمت مزید نیچے لانا چاہتے ہیں، توانائی پر مختلف ایشیائی ممالک کے ساتھ معاہدے کررہے ہیں۔ڈونلڈ ٹرمپ نے مزید کہا کہ امریکا نے اے آئی ریس شروع کی اور امریکا ہی جیتے گا، امریکا اے آئی میں بھی چین کو شکست دے رہا ہے۔