پاکستان قائم رہنے کیلئے بنا ہے ،علامہ صادق عباس

قائد اعظم محمد علی جناح نے بر صغیر کے مسلمانوں کیلئے عظیم مملکت بنائی ،پاکستان تر نوالہ نہیں بلکہ ناقابل تسخیر ہے ،معروف خطیب

اتوار 25 مئی 2025 17:35

کراچی(اُردو پوائنٹ اخبارتازہ ترین - این این آئی۔ 25 مئی2025ء)معروف خطیب علامہ صادق عباس عابدی نے کہا کہ پاکستان قائم رہنے کیلئے بنا ہے اور بر صغیر پاک و ہند کے مسلمانوں کیلئے بابائے قوم قائد اعظم نے عظیم مملکت قائم کی جس کی بنیاد اسلام کے نام پر رکھی گئی ۔

(جاری ہے)

بھارت یہ سمجھ رہا تھا کہ وہ 1984میں ایٹمی قوت بن گیا ہے لیکن وہ اپنے ناپاک عزائم میں ناکام رہا اور 28مئی 1998کو پاکستانی قوم نے اللہ پر بھروسہ کرتے ہوئے ایٹمی قوت بن کر دیکھایا اور یہ بات واضح کردی کہ پاکستان تر نوالہ نہیں اور یوم یکبیر پاکستان کیلئے ناقابل تسخیر ہونے کا نام ہے ،انہوں نے منتبہ کیا کہ ملک دشمن قوتیں ہمارے مفادات سے نہ کھیلیں کیونکہ پاکستانی قوم اور عوام ایک پیج پر ہیں اور کسی بھی حملے کا منہ توڑ جواب دینے کیلئے ہر وقت تیار ہیں ،کیونکہ پاکستان قائم رہنے کیلئے ہی بنا ہے اور انشاء اللہ ہمیشہ قائم رہیگا ۔