سرگودھا پولیس نےون ویلنگ کرنے والے 5 منچلے نوجوان گرفتار کر لئے

اتوار 25 مئی 2025 18:40

سرگودھا (اُردو پوائنٹ اخبارتازہ ترین - اے پی پی۔ 25 مئی2025ء) سرگودھا پولیس نے ون ویلنگ کرتے ہوئے اپنی اور دوسروں کی زندگیوں کو خطرے میں ڈالنے والے 5 منچلے نوجوان گرفتار کر لیے ۔

(جاری ہے)

ڈسٹرکٹ پولیس آفیسر سرگودھا محمدصہیب اشرف کی ہدایت پر تھانہ سیٹلائٹ ٹاؤن پولیس نے کارروائی کرتے ہوئے ون ویلنگ اور تیز رفتاری سے ڈرائیونگ کرنے والے 5 ملزمان کو گرفتار کر لیا ۔ گرفتار ون ویلرز میں مزمل، شہروز، شہزاد، ندیم اور داؤد شامل ہیں ۔پولیس نے ون ویلنگ میں استعمال ہونے والے موٹر سائیکل بھی اپنے قبضہ میں لے لیے۔ ملزمان کے خلاف مقدمہ درج کر کے ملزمان کے خلاف قانونی کارروائی کا آغاز کر دیا گیا ہے جن کو قانون کے کٹہرے میں لاکر قرارواقعی سزادلوائی جائے گی۔