Live Updates

کوئٹہ گلیڈی ایٹرز کے ہیڈ کوچ کی لاہور قلندرز کو مبارکباد

فائنل میں بڑا ٹارگٹ حاصل کرنا آسان نہیں ہوتا‘معین خان کی بات چیت

پیر 26 مئی 2025 13:05

کوئٹہ گلیڈی ایٹرز کے ہیڈ کوچ کی لاہور قلندرز کو مبارکباد

لاہور(اُردو پوائنٹ اخبارتازہ ترین - این این آئی۔ 26 مئی2025ء)کوئٹہ گلیڈی ایٹرز کے ہیڈ کوچ معین خان نے لاہور قلندرز کو مبارکباد دیتے ہوئے کہا کہ فائنل میں بڑا ٹارگٹ حاصل کرنا آسان نہیں ہوتا۔پی ایس ایل ٹین کے فائنل میں کوئٹہ گلیڈی ایٹرز کی شکست کے بعد میڈیا سے بات کرتے ہوئے ٹیم کے ہیڈ کوچ معین خان کا کہنا تھا کہ لاہور قلندرز نے بڑا ٹارگٹ حاصل کیا۔

(جاری ہے)

معین خان نے کہا کہ آل راو?نڈر محمد وسیم کا ان فٹ ہونا ہمارے لیے دھچکا تھا۔ان کا کہنا تھا کہ کوئٹہ گلیڈی ایٹرز اچھا ٹورنامنٹ کھیلی،جبکہ حسن نواز کی کارکردگی شاندار رہی، انہوں نے پورا ٹورنامنٹ اچھا کھیلا۔معین خان نے کہا کہ آخری تین اوورز میں ہمارے بولرز دبائو برداشت نہیں کرسکے۔انہوں نے کوشل پریرا اور سکندر رضا کی تعریف کرتے ہوئے کہا کہ دونوں کھلاڑیوں نے ٹیم کیلئے اچھی اننگز کھیلی۔