Live Updates

پانی بند کرنا تو دور بھارت نے دوبارہ پاکستان کا رخ کیا تو گھس کر ماریں گے، حنیف عباسی

بھارت نے پاکستان کو کمزور سمجھ کر بہت بڑی غلطی کی، پاک فضائیہ نیمودی کی غلط فہمی کو رافیل طیارے گراکر دور کیا، وفاقی وزیر

بدھ 28 مئی 2025 17:22

پانی بند کرنا تو دور بھارت نے دوبارہ پاکستان کا رخ کیا تو گھس کر ماریں ..

راولپنڈی (اُردو پوائنٹ اخبارتازہ ترین - این این آئی۔ 28 مئی2025ء)وفاقی وزیر ریلوے حنیف عباسی نے مودی کی گیدڑ بھبکیوں کے جواب میں کہا ہے کہ پانی بند کرنا تو دور کی بات ہے، دوبارہ پاکستان کا رخ کیا تو گھس کر ماریں گے۔

(جاری ہے)

وزیر ریلوے حنیف عباسی نے یوم تکبیر کے موقع پر راولپنڈی میں میڈیا سے گفتگو کرتے ہوئے مودی کو خبردار کرتے ہوئے کہا کہ ہم نے آپ کا ایس 400 دفاعی نظام اور رافیل طیارے تباہ و برباد کر دیے، آپ نے ہمارے معصوم بچوں اور عوام کوشہید کیا، ہم نے آپ کے فوجی ہیڈکوارٹرز کو تباہ کردیا۔

انہوں نے کہا کہ بھارت نے پاکستان کو کمزور سمجھ کر بہت بڑی غلطی کی، پاک فضائیہ نیمودی کی غلط فہمی کو رافیل طیارے گراکر دور کیا، بھارت کبھی پاکستان کی طرف میلی آنکھ سے نہیں دیکھ سکتا۔وزیر ریلوے نے کہا کہ ہم نے آپ کے فوجی ہیڈکوارٹرز کو تباہ کر دیا، پاکستان ایک مضبوط ایٹمی قوت کے طور پر خطے میں موجود ہے، اور دشمن نے کوئی بھی کوشش کی تو اسے منہ توڑ جواب دیا جائے گا۔