Live Updates

پولی گرافک ٹیسٹ ہمیشہ قابل اعتماد نہیں ہوتے

ایک سابق وزیرِاعظم کے ساتھ عام مجرموں جیسا سلوک نہیں کیا جانا چاہیے، ایسا لگتا ہے کہ اس کا مقصد صرف ڈرامہ جاری رکھنا ہے، عمران خان کے پولی گرافک ٹیسٹ سے متعلق انگریزی اخبار کا اداریہ

محمد علی بدھ 28 مئی 2025 21:01

لاہور (اُردو پوائنٹ اخبارتازہ ترین۔ 28 مئی2025ء) انگریزی اخبار کے اداریہ کے مطابق پولی گرافک ٹیسٹ ہمیشہ قابل اعتماد نہیں ہوتے۔ تفصیلات کے مطابق بانی تحریک انصاف عمران خان کے پولی گرافک ٹیسٹ سے متعلق انگریزی اخبار ڈان کے اداریہ میں اہم نکات اٹھائے گئے ہیں۔ اداریہ میں کہا گیا ہے کہ " پولی گرافک ٹیسٹ ہمیشہ قابل اعتماد نہیں ہوتے۔ ایک سابق وزیرِاعظم کے ساتھ عام مجرموں جیسا سلوک نہیں کیا جانا چاہیے، ۔

ریاست پہلے ہی انکو جیل میں رکھنے کیلئے بے شمار بہانے تراش چکی ہے، ایسا لگتا ہے کہ اس کا مقصد صرف ڈرامہ جاری رکھنا ہے"۔ جبکہ اس حوالے سے رہنماء پی ٹی آئی بیرسٹر سلمان صفدر نے کہا ہے کہ پولی گراف ٹیسٹ کی کوئی ایویڈینشل ویلیو نہیں، سرکار بدنیتی سے ٹیسٹ لینا چاہتی ہے، سرکار ہر بار کوئی نئی تاریخ لینے کا حربہ استعمال کرتی ہے، پولی گراف ٹیسٹ اور فارنزک ٹیم اڈیالہ جیل گئی، سپرنٹنڈنٹ نے بانی پی ٹی آئی سے ملاقات نہیں کرائی۔

(جاری ہے)

انہوں نے کہا کہ بانی پی ٹی آئی انتظار کرتے رہے اس کے بعد انہوں نے تین وجوہات بتائیں، آج دو ڈھائی سال کے بعد ان ٹیسٹوں کا کوئی جواز نہیں بنتا۔ بیرسٹر سلمان صفدر نے کہا کہ پولی گراف ٹیسٹ کی کوئی ایویڈینشل ویلیو نہیں، سرکار بدنیتی سے ٹیسٹ لینا چاہتی ہے، تمام بیانات لاہور ہائیکورٹ کا ڈویژنل بینچ مسترد کرچکا، بینچ بانی کا ریمانڈ دینے سے انکار کرچکا۔

اگر بانی پی ٹی آئی نے ٹیسٹوں کیلیے انکار بھی کیا تب بھی ہم پروسیڈ کے لیے تیار ہیں، ایویڈنس اتنا موجود ہے کہ اس پر بانی پی ٹی آئی کی 21 ضمانتیں ہو چکی ہیں۔ پی ٹی آئی وکیل نے یہ بھی کہا کہ وہ 21ضمانتیں سپریم کورٹ میں چیلنج کی گئیں، سرکار کی ایک بھی درخواست منظور نہیں ہوئی، امید کرتے ہیں لاہور ہائیکورٹ بانی پی ٹی آئی کے آخری 8 مقدمات سن لے اور کوئی فیصلہ دے۔