سعودی عرب نے مالدیپ میں بھی مکہ روٹ پروجیکٹ کا آغاز کر دیا

جمعرات 29 مئی 2025 09:00

مالے (اُردو پوائنٹ اخبارتازہ ترین - اے پی پی۔ 29 مئی2025ء) سعودی عرب نے مالدیپ میں بھی مکہ روٹ انیشی ایٹو کا آغاز کر دیا ہے۔ مالدیپ، دنیا کا آٹھواں ملک ہے جو مکہ روٹ پروجیکٹ سےاستفادہ کرے گا۔عرب نیوز کے مطابق جو سات ممالک مکہ روٹ انیشیٹو سے پہلے سے ہی فائدہ اٹھا رہے ہیں ان میں پاکستان، بنگلہ دیش، ترکیہ، مراکش، آئیوری کوسٹ، ملائیشیا اور انڈونیشیا شامل ہیں۔

مالدیپ کے صدر ڈاکٹر محمد معیزو نے مالے میں ویلانا کے انٹرنیشنل ایئرپورٹ پر مکہ روٹ پروگرام کا افتتاح کیا۔

(جاری ہے)

اس موقع پر مکہ روٹ کی سپروائزری کمیٹی کے چیئرمین لیفٹیننٹ جنرل سلیمان الیحیٰی، مالدیپ کی وزارتِ اسلامی امور کے وزیر ڈاکٹر محمد شاہین علی سعید اور دیگر اعلٰی سرکاری عہدیدار موجود تھے۔مالدیپ کے صدر کے دفتر سے سوشل میڈیا پلیٹ فام ایکس پوسٹ کی کہ ’صدر نے سرکاری طور پر مکہ روٹ انیشی ایٹیو کا افتتاح کر دیا ہے۔

ان کے ساتھ خاتونِ اول بھی موجود تھیں۔مالدیپ کے صدر نے پہلے عازمِ حج کو مکہ روٹ پروگرام کے تحت پاسپورٹ دیا جبکہ ان کی اہلیہ نے اسی پروگرام کے تحت دوسرے عازمِ حج کو ان کا پاسپورٹ دیا۔مالدیپ کے مالے ایئرپورٹ سے مکہ انیشی ایٹیو کے تحت روانہ ہونے والے عازمینِ حج کی کل تعد 234 ہے۔