شازیہ مری کا حسین کوٹ میں دہشتگردوں کے خلاف جرات مندانہ کارروائی پر سیکیورٹی اداروں کو خراجِ تحسین

آزاد کشمیر پولیس نے امن کے لیے جو قربانیاں دی ہیں، وہ ہمیشہ یاد رکھی جائیں گی، مرکزی ترجمان پیپلز پارٹی

جمعرات 29 مئی 2025 16:20

شازیہ مری کا حسین کوٹ میں دہشتگردوں کے خلاف جرات مندانہ کارروائی پر ..

اسلام آباد (اُردو پوائنٹ اخبارتازہ ترین - این این آئی۔ 29 مئی2025ء)پاکستان پیپلزپارٹی کی مرکزی ترجمان شازیہ مری نے آزاد کشمیر کے علاقے حسین کوٹ میں دہشتگردوں کے خلاف جرات مندانہ کارروائی پر سیکیورٹی اداروں کو خراجِ تحسین پیش کرتے ہوئے کہاہے کہ حسین کوٹ آپریشن میں چار دہشتگردوں کے انجام پر فورسز کی پیشہ ورانہ مہارت قابلِ تعریف ہے۔

(جاری ہے)

اپنے بیان میں شازیہ مری نے کہاکہ حسین کوٹ میں فرض کی راہ میں جان دینے والے پولیس جوانوں کی شہادت پر دلی رنج و غم پہنچا۔

انہوںنے کہاکہ دہشتگردی کے خلاف سینہ سپر ہو کر جان قربان کرنے والے اہلکار قوم کا فخر ہیں۔انہوںنے کہاکہ حسین کوٹ کے شہداء کے اہلِ خانہ کے ساتھ مکمل یکجہتی اور تعزیت کا اظہار کرتے ہیں۔شازیہ مری نے کہاہک آزاد کشمیر پولیس نے امن کے لیے جو قربانیاں دی ہیں، وہ ہمیشہ یاد رکھی جائیں گی۔