کراچی؛ ڈیفنس میں ڈمپر ڈرائیور سے بیقابو ہوکر دیوار توڑ کر بنگلے میں جا گھسا

حادثے کے باعث ڈرائیور اور کلئینر زخمی ہوگئے جنہیں اسپتال منتقل کر دیا گیا،پولیس حکام

جمعرات 29 مئی 2025 16:51

کراچی (اُردو پوائنٹ اخبارتازہ ترین - این این آئی۔ 29 مئی2025ء)ڈیفنس موڑ کے قریب تیز رفتار ڈمپر ڈرائیور سے بے قابو ہو کر دیوار توڑ کر بنگلے میں جا گھسا جس کے باعث ڈرائیور اور کلئینر زخمی ہوگئے۔واقعے کی اطلاع ملنے پر ٹریفک پولیس موقع پر پہنچ گئی جبکہ موقع پر شہریوں کی بھی بڑی تعداد اکھٹی ہوگئی تھی۔

(جاری ہے)

پولیس نے شہریوں کی مدد سے ڈمپر میں پھنسے ڈرائیور اور کلئینر کو زخمی حالت میں ڈمپر سے نکال کر اسپتال منتقل کیا۔

ڈیفنس ٹریفک سیکشن کے انچارج سب انسپکٹر ارشد غنی کا کہنا تھا کہ رفتار زیادہ ہونے کی وجہ سے ڈمپر ڈرائیور سے بے قابو ہوگیا اور ڈمپر کے ٹکرانے سے بنگلے کی دیوار کو نقصان پہنچا، تاہم حادثے میں بنگلے میں موجود کسی شخص کو کوئی جانی نقصان نہیں ہوا۔ڈمپر تعمیراتی ملبہ لے کر پنجاب کالونی کی طرف جا رہا تھا، حادثے کے ذمے دار ڈرائیور کو پولیس نے حراست میں لے لیا جو اسپتال میں زیر علاج ہے۔