فوڈ سیفٹی ٹیموں کی کارروائی ،معروف سویٹس یونٹ کو تین لاکھ جرمانہ عائد،زائد المعیاد اشیا تلف

جمعرات 29 مئی 2025 21:20

لاہور (اُردو پوائنٹ اخبارتازہ ترین - اے پی پی۔ 29 مئی2025ء) پنجاب فوڈ سیفٹی ٹیموں نے لاہور میں کارروائی کے دوران دومعروف سویٹس یونٹ کو 3لاکھ کے جرمانے عائد کیے جبکہ زائد المعیاد اشیاء تلف کردیں۔

(جاری ہے)

بیکریوں میں کاکروچز، مکھیوں کی بھرمار پائی گئی، بدبودار ماحول، لازم ریکارڈبھی عدم موجود پایا گیا،اسی طرح گندا کھڑا پانی، ٹوٹے فرش، فنگس زدہ بدبودار فریزر میں اشیاء رکھی پائی گئیں،ڈی جی فوڈ اتھارٹی عاصم جاوید نے کہا کہ غذائیت سے بھرپور خوراک کی یقینی فراہمی کے لیے فوڈ بزنس آپریٹرز قوانین پر عمل درآمد یقینی بنائیں، جعلسازی کرنے والوں کی پنجاب میں کوئی جگہ نہیں،شہری اپنے ارد گرد ملاوٹ اور جعلسازی کرنے والوں کی اطلاع 1223 پر دیں، آپکا تعاون آپکی اچھی صحت کا ضامن ہے۔