Live Updates

پی ٹی آئی نے پنجاب میں پارٹی معاملات چلانے کیلئے بنائی گئی کمیٹی میں ترمیم کردی

کمیٹی سلمان اکرم راجہ ، عمر ایوب ، عالیہ حمزہ ، احمد خان بچھر سمیت 9رہنمائوں پر مشتمل ہوگی، نیا نوٹیفکیشن جاری

جمعہ 30 مئی 2025 20:40

پی ٹی آئی نے پنجاب میں پارٹی معاملات چلانے کیلئے بنائی گئی کمیٹی میں ..

لاہور (اُردو پوائنٹ اخبارتازہ ترین - این این آئی۔ 30 مئی2025ء) پاکستان تحریک انصاف نے پنجاب میں پارٹی کے معاملات چلانے کے لیے بنائی گئی کمیٹی میں ترمیم کردی، نیا نوٹیفکیشن جاری کردیا گیا۔

(جاری ہے)

نئے نوٹیفکیشن کے مطابق اب کمیٹی تحریک انصاف کے 9رہنمائوں پر مشتمل ہوگی، کمیٹی میں سلمان اکرم راجہ ، عمر ایوب خان ، عالیہ حمزہ ملک ، احمد خان بچھر ، میاں اکرم عثمان، رائے حسن نواز عون عباس پپی ، احمد چھٹہ اور ملک تیمور بھی شامل ہیں۔

ایڈیشنل سیکرٹری جنرل پی ٹی آئی فردوس شمیم نقوی کی جانب سے نیا نوٹیفکیشن جاری کیا گیا۔یاد رہے کہ اس سے قبل بنائی گئی کمیٹی کے بعد پارٹی میں شدید اختلافات سامنے آئے تھے، عالیہ حمزہ ملک کو کمیٹی میں شامل نہ کیے جانے پر پارٹی رہنمائوں میں اختلاف پیدا ہوا، اختلافات سامنے آنے اور شدید تنقید کے بعد مرکزی قیادت نے نیا نوٹیفکیشن جاری کیا۔