زرعی یونیورسٹی فیصل آباد نے تعلیمی سال 2025-26ء کے لیے انڈرگریجویٹ داخلوں کا اجراء کر دیا

جمعہ 30 مئی 2025 22:05

فیصل آباد (اُردو پوائنٹ اخبارتازہ ترین - آن لائن۔ 30 مئی2025ء)زرعی یونیورسٹی فیصل آباد نے تعلیمی سال 2025-26ء کے لیے انڈرگریجویٹ داخلوں کا اجراء کر دیا ہے۔ پہلے انٹری ٹیسٹ کے لیے آن لائن رجسٹریشن 2 جون سے 30 جون 2025ء تک جاری رہے گی جبکہ انٹری ٹیسٹ 13 جولائی 2025 ء کو منعقد ہوگا۔

(جاری ہے)

ڈائریکٹر ایڈمیشن ڈاکٹر ندیم عباس کے مطابق زرعی یونیورسٹی فیصل آباد نے پنجاب بھر میں 12 امتحانی مراکز قائم کیے ہیں جن میں فیصل آباد، لاہور، گوجرانوالہ، راولپنڈی، سرگودھا، لیہ، ملتان، رحیم یار خان، بہاولپور، ٹوبہ ٹیک سنگھ، بورے والا اور دیپالپور (اوکاڑہ) شامل ہیں۔

30 فیصد میٹرک کے نمبر، 30 فیصد انٹرمیڈیٹ پارٹ-1 کے نمبر اور 40 فیصد انٹری ٹیسٹ کے نمبروں پر میرٹ بنے گا۔ دلچسپی رکھنے والے امیدوار یونیورسٹی کی آفیشل ویب سائٹ www.uaf.edu.pk وزٹ کرکے ڈگری پروگرامز، اہلیت کے معیار اور فیس کے ڈھانچے کے بارے میں تفصیلی معلومات حاصل کر سکتے ہیں۔ مزید معلومات کے لیے 111-000-823 یا 041-9200161-70، ایکسٹنشن 5050، 5055 اور 3315 پر رابطہ کیا جا سکتا ہے۔ زرعی یونیورسٹی کو کیو ایس رینکنگ کے مطابق زراعت اور جنگلات کے شعبے میں دنیا کی 34ویں بہترین یونیورسٹی کا درجہ حاصل ہے۔