بھارتی فضائیہ کو اندرونی طور پر ناکامیوں، تکنیکی خرابیوں اور غیر پیشہ ورانہ تربیت کا سامناہے،رپورٹ

ہفتہ 31 مئی 2025 23:20

اسلام آباد (اُردو پوائنٹ اخبارتازہ ترین - اے پی پی۔ 31 مئی2025ء) بھارتی فضائیہ کو تربیتی اور آپریشنل شعبوں میں شرمناک ناکامی کا سامنا ہے جو اندرونی طور پر ناکامیوں، تکنیکی خرابیوں اور غیر پیشہ ورانہ تربیت کا شکار ہے۔کشمیرمیڈیاسروس کے مطابق ایک رپورٹ میں کہاگیاہے کہ گزشتہ دو سال کے دوران بھارتی فضائیہ کومتعدد حادثات کا سامنا کرناپڑا۔ 2 اپریل 2025 کو جام نگر کے قریب بھارتی فضائیہ کا جگوار لڑاکا طیارہ گر کر تباہ ہوا جس کے نتیجے میں پائلٹ بھی ہلاک ہو گیا ۔

7 مارچ 2025کو بھارتی فضائیہ کو ایک ہی دن میں دو بڑے حادثات کا سامنا کرناپڑا، نومبر 2024میں آگرہ کے قریب مگ 29تربیتی پرواز کے دوران فنی خرابی کے باعث گر کر تباہ ہوا، اکتوبر 2024میں اے ایل ایچ ہیلی کاپٹر انجن فیل ہونے کے باعث بہار میں حادثے کا شکار ہوا۔

(جاری ہے)

ہنگامی لینڈنگ کی گئی جس سے طیارے کو شدید نقصان پہنچا، جون 2024میں مہاراشٹرا کے علاقے ناسک میں بھارتی فضائیہ کا سخوئی طیارہ تربیتی پرواز کے دوران گر کر تباہ ہو گیا۔

3 اپریل 2024کو لداخ میں آپریشنل تربیتی مشن کے دوران بھارتی فضائیہ کے اپاچی ہیلی کاپٹر کو بھاری نقصان اٹھانا پڑا، 12 مارچ 2024 کو بھارتی فضائیہ کا لائٹ کامبیٹ ایئرکرافٹ راجستھان کے علاقے میں تربیتی پرواز کے دوران گر کر تباہ ہوا۔13 فروری 2024کو بھارتی فضائیہ کا ہاک ایم کے132تربیتی طیارہ مغربی بنگال میں گر کر تباہ ہو گیا تھا، 6-7مئی کو ہونے والے معرکہ حق میں پاک فضائیہ نے بھارتی فضائیہ کے 6طیارے مار گرائے جن میں 3جدید رافیل بھی شامل ہیں۔

بھارتی فضائیہ کے طیارروں کا اس طرح تباہ ہونا ان کی عسکری حکمت عملی پر اہم سوالات کھڑے کررہاہے، تربیتی حادثات کے ساتھ ساتھ بھارتی فضائیہ کی آپریشنل صلاحیت کی خامیاں بھی ظاہر ہو گئی ہیں۔ بھارتی فضائیہ تربیت اور آپریشنل سطح میں بری طرح ناکام ثابت ہوئی ہے۔