پیپلزپارٹی کا وفاق اور پنجاب میں وزارتیں لینے کا کوئی ارادہ نہیں‘گورنر پنجاب

ن ) لیگ سے پیپلزپارٹی کا اتحاد مجبوری کا ہے محبت کا نہیں، ملک کی خاطر مل کر چل رہے ہیں مئی کا واقعہ پاکستان کیخلاف بہت بڑی سازش تھی،سخت کارروائی ہونی چاہئے‘سردار سلیم حیدر خان

جمعہ 1 اگست 2025 23:09

پیپلزپارٹی کا وفاق اور پنجاب میں وزارتیں لینے کا کوئی ارادہ نہیں‘گورنر ..

لاہور (اُردو پوائنٹ اخبارتازہ ترین - این این آئی۔ 01 اگست2025ء) گورنرپنجاب سردار سلیم حیدر خان نے کہا ہے کہ پیپلزپارٹی کا وفاق اور پنجاب میں وزارتیں لینے کا کوئی ارادہ نہیں،(ن ) لیگ سے پیپلزپارٹی کا اتحاد مجبوری کا ہے محبت کا نہیں، ملک کی خاطر مل کر چل رہے ہیں،9مئی کا واقعہ پاکستان کے خلاف بہت بڑی سازش تھی،ملک کے خلاف سازشیں کرنے والوں کے خلاف سخت کارروائی ہونی چاہئے۔

ان خیالات کا اظہار اُنہوں نے اپنے دورہ جنوبی پنجاب کے دوران وہاڑی میں پیپلزپارٹی کے سابق ایم پی اے نواب سرفراز کی رہائش گاہ پر پارٹی رہنمائوں اور کارکنوں سے ملاقات کے دوران کیا۔ گورنر پنجاب نے وہاڑی میں سماجی رہنما چوہدری اسلم کے بھائی کی وفات پر اظہار تعزیت اور فاتحہ خوانی بھی کی۔گورنر پنجاب سردار سلیم حیدر خان نے کہا کہ 9 مئی کا واقعہ پاکستان کے خلاف بہت بڑی سازش تھی جس میں پی ٹی آئی اور اس کی لیڈر شپ ملوث تھی۔

(جاری ہے)

اُنہوں نے کہا کہ پی ٹی آئی کے ورکروں کو باقائدہ اداروں پر چڑھائی کے لئے کہا گیا۔گورنر پنجاب نے کہا کہ جنہوں نے یہ سب کچھ کیا ان کو سزائیں ہونی چائیں۔اُنہوں نے کہا کہ ملک کے خلاف سازشیں کرنے والے کسی بھی رعایت کے مستحق نہیںان کے خلاف سخت کارروائی ہونی چاہئے۔گورنر پنجاب نے کہا کہ 9مئی کے واقعہ میں ہزاروں کی تعداد میں ملکی املاک کو نقصان پہنچایا گیا۔

گورنر پنجاب نے کہا کہ پاکستان پیپلزپارٹی نے ہمیشہ ملک کی خاطر اپنے ووٹ اور حکومت قربان کی مگر ملک کی سالمیت پر آنچ نہیں آنے دی۔اُنہوں نے کہا کہ آنے والا وقت انشاء اللہ پیپلز پارٹی کاہوگا۔گورنر پنجاب نے کہا کہ پنجاب کے ہر کونے میں جاکر بلاول بھٹو کا پیغام پہنچائوں گا۔اُنہوں نے کہا کہ پارٹی کے ورکرز متحرک اور متحد ہو جائیں۔گورنر پنجاب نے کہا کہ جنوبی پنجاب ہمیشہ پیپلز پارٹی کا گڑھ رہا ہے اور رہے گا۔اُنہوں نے مزید کہا کہ پیپلزپارٹی کا وفاق اور پنجاب میں وزارتیں لینے کا کوئی ارادہ نہیں۔گورنرپنجاب نے کہا کہ ن لیگ سے پیپلزپارٹی کا اتحاد مجبوری کا ہے محبت کا نہیں۔اُنہوں نے کہا کہ اس وقت صرف ملک کی خاطر مل کر چل رہے ہیں۔