Live Updates

حکومت آئندہ بجٹ میں غذائی برآمدات کیلئے مراعاتی پیکیج دے ، شاہد عمران

اتوار 1 جون 2025 13:30

لاہور (اُردو پوائنٹ اخبارتازہ ترین - اے پی پی۔ 01 جون2025ء) حکومت آئندہ بجٹ میں غذائی برآمدات کے لیے مراعاتی پیکج دے تو کثیر زرمبادلہ کمایا جا سکتا ہے۔ یہ بات اتوار کو یہاں فیڈریشن آف چیمبرز آف کامرس کی علاقائی کمیٹی برائے خوراک کے کنوینر شاہد عمران نے سابق نائب صدر ایف پی سی سی آئی زاہد اقبال کی قیادت میں صنعتکاروں کے وفد سے گفتگو کرتے ہوئے کہی۔

(جاری ہے)

انہوں نے کہا کہ پاکستان زرعی وسائل سے مالا مال ہے ، غذائی ایکسپورٹ سیکٹر کی صلاحیت سے بھر پور استفادہ کے لیے ٹارگٹڈ اصلاحات اور مراعات متعارف کروانا ہوں گی جن میں غذائی برآمد کنندگان کے لیے ٹیکس میں چھوٹ، بیجوں اور کھادوں پر سبسڈی، کولڈ سٹوریج اور ٹرانسپورٹیشن میں سرمایہ کاری اور زرعی صنعتوں کے لیے کم سود پر فنانسنگ تک رسائی شامل ہے، فوڈ پراسیسنگ زونز کا قیام اور بین الاقوامی سرٹیفیکیشن، فوڈ سیفٹی معیارات اور برانڈنگ کے لیے تعاون سے بھی عالمی منڈیوں میں مسابقت کو بڑھا سکتا ہے۔انہوں نے کہا کہ مشرق وسطی، افریقہ اور وسطی ایشیا میں معیاری غذائی مصنوعات کی بڑھتی ہوئی مانگ سے فائدہ اٹھا کر برآمدات میں نمایاں اضافہ کیا جا سکتا ہے۔