ماہ محرم الحرام میں مجالس عزا اور جلوس روٹس پر بجلی کی بلا تعطل فراہمی یقینی بنائیں گے ،ایس ای میپکو

اتوار 1 جون 2025 18:10

ملتان (اُردو پوائنٹ اخبارتازہ ترین - اے پی پی۔ 01 جون2025ء) ایس ای میپکو ملتان سرکل امجد نواز بھٹی نے کہا ہے کہ ماہ محرم الحرام کی آمد کے پیش نظر مجالس عزا اور جلوس روٹس پر بجلی کی بلا تعطل فراہمی کو یقینی بنانے کے لئے انتظامات کو حتمی شکل دے دی ہے، یکم محرم الحرام سے قبل لائسنسداروں کو درپیش مسائل کے حل کو یقینی بنایا جائے گا ۔

(جاری ہے)

ان خیالات کا اظہار انہوں نے مرکزی تنظیم لائسنسداران کے مرکزی صدر مہر شاہد عباس چاون کی قیادت میں وفد سے ملاقات کے دوران کیا۔

اس موقع پر میپکو آفیسر تاج قمر سمیت لائسنسداران حسن جاوید انجم، سردار طاہر بلوچ، محمد رئیس، فراست علی صدیقی،غلام عباس،خواجہ شرف صدیقی،،محمد ندیم،محمد حسین،خلیفہ نصیر بخش، ملک عابد حسین بھٹہ و دیگر بھی موجود تھے۔ایس ای میپکو امجد نواز بھٹی نے وفد کو یقین دہانی کرائی کہ ماہ محرم الحرام میں بجلی کی لوڈشیڈنگ نہیں ہو گی ۔