کراچی پاک کالونی پولیس کاگٹکا ماوا کے 2کارخانوں پر چھاپہ،3ملزمان گرفتار

اتوار 1 جون 2025 18:10

کراچی (اُردو پوائنٹ اخبارتازہ ترین - اے پی پی۔ 01 جون2025ء) کراچی میں پاک کالونی پولیس نے خفیہ اطلاع پر مختلف کارروائیوں کے دوران گٹکاماوا تیار کرنے والے 2کارخانوں پر چھاپہ مارکر3ملزمان کو گرفتار کرکے کارخانوں سے بھاری مقدار میں گٹکاماوا اور دیگر سامان برآمد کرلیا ہے۔

(جاری ہے)

اتوار کو ایس ایس پی کیماڑی، کیپٹن (ر)فیضان علی کے مطابق پولیس نے پہلے چھاپہ کے دوران ریکسر لائن پاک کالونی میں مکان میں قائم کارخانے سے محمد علی ولد آدم اور انور ولد محمد حسین کو گرفتارکرکے 2عدد چھوٹے درم،30کلوچھالیہ2کلومکس پتی،ایک ٹب تھیلیاں،ایک عدد چولا،ایک عددچونے سے بھری بالٹی اور3عدد خالی چھلنیاں برآمد کرلیں جبکہ دوسرا چھاپہ ڈبل پی ایم ٹی والی گلی پرانا گولیمار میں رہائشی مکان میں قائم کارخانے پر مارکر شاہ داد ولد علی بخش کو گرفتار کرکے کارخانے سے 3عدد ڈرم ،30کلو چونا،50کلوچھالیہ،3 عدد چھلنیاں،4پیکٹ تمباکو پتی،30عدد پڑیاں گٹکاماوااور پیکنگ کا سامان برآمدکرلیاہے۔

پولیس نے ملزمان کے خلاف مقدمات درج کرکے مزید تفتیش کا آغاز کردیاہے۔