رسجا کے نو منتخب عہدیداروں کو سپورٹس جرنلسٹ ایسوسی ایشن سندھ کی مبارکباد

نومنتخب عہدے داران کھیل اور کھلاڑیوں کے مسائل اجاگر کریں گے،صدر سجاس محمود ریاض صدر فیصل ساہی،سیکریٹری عارف خان سمیت تمام کابینہ کو مبارکباد پیش کرتے ہیں،سیکرٹری شاہد ساٹی

اتوار 1 جون 2025 21:50

کراچی (اُردو پوائنٹ اخبارتازہ ترین - این این آئی۔ 01 جون2025ء)سپورٹس جرنلسٹ ایسوسی ایشن سندھ (سجاس)نے راولپنڈی اسلام آباد اسپورٹس جرنلسٹس ایسوسی ایشن (رسجا)کے نو منتخب عہدے داران کومبارک باد پیش کی ہے۔

(جاری ہے)

سجاس کے صدر محمود ریاض،سیکریٹری شاہد عثمان ساٹی،خازن ارشاد علی سمیت ایگزیکٹو باڈی کے تمام ممبران نے رسجا کے حالیہ انتخابات میں نو منتخب صدر فیصل ساہی، جنرل سیکرٹری عارف خان، فنانس سیکرٹری حسنین لیاقت، سینئر نائب صدر شفیق راجہ، نائب صدور نوید کھو کھر، امبرین علی،جوائنٹ سیکرٹریز احسن عباس، عائشہ شعیب اور سیکرٹری اطلاعات احمر نجیب ستی سمیت چیئرمین رسجا ایاز اکبر یوسفزئی اور چیئرمین ایگزیکٹو کمیٹی محسن اعجاز اوراراکین ایگزیکٹو کمیٹی کو دلی مبارکباد پیش کی ہے۔

اپنے مشترکہ بیان میں انہوںنے کہاکہ مستقبل میں رسجا نا صرف سجاس سے بہترین ورکنگ ریلیشن شپ بلکہ اسلام آباد اور راولپنڈی میں کھیلوں کی سرگرمیوں کے فروغ میں بھر پور کردارادا کریگی رسجا کھیل اورکھلاڑیوں کیلئے اپنا کرداراداکرنے کے ساتھ ساتھ ان کے مسائل کے حل کے لئے آواز بھی بلند کرے گی۔