فلپائن، ٹریفک حادثے میں ایک سالہ بچے سمیت 4 افرادہلاک ، 5 زخمی

پیر 2 جون 2025 14:13

منیلا (اُردو پوائنٹ اخبارتازہ ترین - اے پی پی۔ 02 جون2025ء) فلپائن کے شہر اورموک سٹی میں ٹریفک حادثے میں ایک سالہ بچے سمیت 4 افراد ہلاک اور 5 زخمی ہو گئے۔

(جاری ہے)

شنہوا کے مطابق پولیس نے بتایا کہ یہ واقعہ گزشتہ شام 7 بج کر 45 منٹ کے قریب اورموک سٹی میں ہائی وے پر اس وقت پیش آیا جب ایک ٹرک مخالف لین میں موٹرسائیکل اور پبلک ٹرانسپورٹ کے لئے استعمال ہونے والی لائٹ ڈیوٹی گاڑی ملٹی کیب سے ٹکرا گیا ، حادثے کے نتیجے میں ملٹی کیب ڈرائیور ،موٹرسائیکل سوار ، اس کی بیوی اور ان کا ایک سالہ بیٹا موقع پر دم توڑ گیا جبکہ ملٹی کیب ڈرائیور کی بیوی اور 3 بچوں سمیت 5 افراد زخمی ہوگئے جن میں سے ایک کی حالت تشویش ناک ہے۔

پولیس نے ٹرک ڈرائیور کو تحویل میں لے لیا ہے جبکہ واقعہ کی تفتیش جاری ہے۔ ■