کراچی میں انٹرمیڈیٹ امتحانات کے دوسرے مرحلے کا آغاز

دوسرے مرحلے کے امتحانات کا سلسلہ 2 جولائی تک جاری رہے گا

منگل 3 جون 2025 21:24

کراچی (اُردو پوائنٹ اخبارتازہ ترین - این این آئی۔ 03 جون2025ء) شہر قائد میں گیارہویں اوربارہویں جماعت کے کامرس ریگولر اور کامرس پرائیویٹ کے امتحانات شروع ہوگئے۔تفصیلات کے مطابق اعلی ثانوی تعلیمی بورڈ کراچی کے دوسرے مرحلے کے امتحانات کا آغاز ہوگیا۔گیارہویں اوربارہویں جماعت کے کامرس ریگولر اور کامرس پرائیویٹ، آرٹس ریگولر اور آرٹس پرائیویٹ کے امتحانات شروع ہوگئے۔

دوسرے مرحلے کے امتحانات کا سلسلہ 2 جولائی تک جاری رہے گا، امتحانات میں صبح اور شام کی شفٹوں میں 82ہزار سے زائد طلبہ و طالبات شرکت کررہے ہیں۔صبح کی شفٹ 9 بجے سے 12 بجے تک آرٹس ریگولر، آرٹس پرائیویٹ، خصوصی امیدواروں اور ڈپلومہ ان فزیکل ایجوکیشن کے امتحانات ہوں گے ، جس میں 25 ہزار سے زائد طلبہ و طالبات شریک ہورہے ہیں۔

(جاری ہے)

شام کی شفٹ میں دوپہر 2 بجے سے شام 5 بجے تک کامرس ریگولر اور کامرس پرائیویٹ گروپس کے امتحانات ہوں گے، جس میں57 ہزار سے زائد امیدوار شرکت کررہے ہیں۔

انٹرمیڈیٹ کے سالانہ امتحانات برائے 2025 کے دوسرے مرحلہ میں صبح اور شام کی شفٹوں میں مجموعی طور پر 129 امتحانی مراکز قائم کیے گئے ہیں۔45امتحانی مراکز صبح کی شفٹ میں جبکہ 84شام کی شفٹ میں بنائے گئے ہیںصبح اور شام کی شفٹوں میں مجموعی طور پر26 امتحانی مراکز کو انتہائی حساس قرار دیا گیا ہے۔

Facebook Twitter Google + Share on Whatsapp

کراچی میں انٹرمیڈیٹ امتحانات کے دوسرے مرحلے کا آغاز

دوسرے مرحلے کے امتحانات کا سلسلہ 2 جولائی تک جاری رہے گا

متعلقہ عنوان :

مزید تعلیم کی خبریں