چیف الیکشن کمشنر کی تقرری:شہباز شریف نے اپوزیشن لیڈر عمرایوب کو ملاقات کے لیے مدعو کرلیا

تقرریوں کے لیے تجاویز پارلیمانی کمیٹی کو ارسال ہونا ہیں‘نئی تقرریوں کے لیے آپ کو ملاقات کی دعوت دیتاہوں.وزیراعظم کا اپوزیشن لیڈر کو خط

میاں محمد ندیم بدھ 4 جون 2025 16:29

چیف الیکشن کمشنر کی تقرری:شہباز شریف نے اپوزیشن لیڈر عمرایوب کو ملاقات ..

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔04 جون ۔2025 )وزیراعظم شہباز شریف نے نئے چیف الیکشن کمشنر اور دو ممبران کی تقرری کے لیے مشاورت کاآغاز کرتے ہوئے اپوزیشن لیڈر عمرایوب کو ملاقات کے لیے مدعو کرلیا ہے نجی ٹی وی کے مطابق نئے چیف الیکشن کمشنر اور دو ممبران کی تقرری پر مشاورت کے لیے وزیراعظم نے اپوزیشن لیڈر عمرایوب کو ملاقات کی دعوت دے دی.

(جاری ہے)

وزیراعظم شہباز شریف نے اپوزیشن لیڈر عمرایوب کو لکھے گئے خط میں موقف اپنایا ہے کہ چیف الیکشن کمشنر اور 2 ممبران کی مدت 26 جنوری کو ختم ہوچکی ہے، چیف الیکشن کمشنر اور 2 ممبران نے آرٹیکل215 کے تحت کام جاری رکھا ہوا ہے وزیراعظم نے مزید کہا ہے کہ آرٹیکل 218 کے تحت چیف الیکشن کمشنر اور ممبران کے لیے تجاویز پارلیمانی کمیٹی کو ارسال ہونا ہیں، نئی تقرریوں کے لیے آپ کو ملاقات کی دعوت دیتاہوں.