Live Updates

بجٹ 2025-26 :وزارت صحت کے منصوبوں اور پروگرامز کیلئی15 ارب مختص ،کوئی نیا پروگرام شامل نہیں

بدھ 4 جون 2025 19:48

اسلام آبا د(اُردو پوائنٹ اخبارتازہ ترین - آن لائن۔ 04 جون2025ء)آئندہ مالی سال کے بجٹ میں وزارت صحت کے منصوبوں کی تفصیلات سامنے آگئیں بجٹ میں وزارت صحت کے منصوبوں اور پروگرامز کیلئے 15 ارب روپے مختص کرنے کی تجویز دی گئی ہے، ذرائع کے مطابق آئندہ مالی سال کے بجٹ میں 21 جاری منصوبے شامل کرلیے گئے ، کوئی نیا پروگرام شامل ہے،اسلام آباد میں 212ارب روپے کے قائد اعظم ہیلتھ ٹاورکیلئے محض 5ارب روپے مختص کئے گئے ہیں ،وزیراعظم نیشنل پروگرام برائے ذیابیطس کیلئے 80 کروڑ روپے رکھے گئے ہیں ،وزیراعظم نیشنل پروگرام برائے ہیپاٹائٹس سی انفیکشن کے 65ارب روپے مالیت کیلئے ایک ارب روپے مختص کئے گئے ہیں،اسلام آباد میں کینسر ہسپتال کے قیام کیلئے ایک کروڑ70لاکھ روپے رکھے گئے ہیں ،آبادی کیلئے نیشنل ایکشن پلان کیلئے دس کروڑ روپے رکھے گئے ہیں ،اس کے علاوہ اسلام آباد میں 9.91ارب روپے جناع ہسپتال کیلئے 20 کروڑ روپے مختص کئے گئے ہیں،اسلام آباد میں چار بنیادی صحت مراکز کیلئے 36کروڑ روپے کی منظوری دی گئی ہے ،انٹیگریٹڈ ڈیزیز سرویلنس اینڈ رسپانس سسٹم کیلئے دو ارب روپے مختص کئے گئے ہیں،دس سال سے اسلام آباد میں جاری کنگ سلمان بن عبد العزیز ہسپتال کیلئے ایک ارب روپے مختص کئے گئے ہیں جبکہٹی بی، ایڈز اور ملیریا کی روک تھام کیلئے بیس کروڑ روپے مختص کئے گئے ہیں �

(جاری ہے)