بھارتی سکھ ایک بارپھر مودی کے نشانے پر آگئے

ایک اور معروف یوٹیوبر پاکستان کیلئے جاسوسی کے الزام میں گرفتار

بدھ 4 جون 2025 20:00

نئی دہلی (اُردو پوائنٹ اخبارتازہ ترین - آن لائن۔ 04 جون2025ء)بھارتی سکھ پھر مودی کے نشانے پر آگئے،پاکستان سے خوفزدہ مودی سرکار نے معروف یوٹیوبر جسبیر سنگھ کو پاکستان کے لیے جاسوسی اور رابطے رکھنے کے الزام میں گرفتار کرلیا۔بھارتی یمڈیا رپورٹ کے مطابق بھارتی پولیس گوراویادو نے کہا کہ یوٹیوبر جسبیر سنگھ کا تعلق پاکستانی نیٹ ورک سے تھا، جسبیر سنگھ جوتی ملہوترا اور شاکر عرف جٹ نندوا سے رابطے میں تھا۔

(جاری ہے)

دوسری جانب بھارتی میڈیا کا دعویٰ ہے کہ جسبیر سنگھ نے 2020، 2021 اور 2024 میں پاکستان کے دورے کیے، سکھ یوٹیوبر کے موبائل سے پاکستان سے جڑے نمبرز برآمد ہوئے۔بھارتی میڈیا کا دعویٰ ہے کہ جسبیر سنگھ کا احسان الرحیم عرف دانش سے بھی رابطہ تھا، بھارتی حکومت نے سکھ یوٹیوبرز اور سوشل میڈیا کارکنان کو نگرانی میں لے لیا۔مودی سرکار سوشل میڈیا پر سکھ شناخت کے اظہار کو جاسوسی سے جوڑنیکی سازش کررہی ہے، سوشل میڈیا پر جسبیر کے اکاؤنٹس کو بند اور پوسٹس ڈیلیت کردی۔سکھ فار جسٹس کے حامیوں پر یوایپی اے جیسے سخت قوانین کا اطلاق ہے، بھارت میں خالصتان کا لفظ بولنے پر غداری کے مقدمات درج ہیں، بھارتی پنجاب میں عام شہریوں کو بھی انٹیلی جنس واچ لسٹ میں شامل کیا جارہا ہے۔