Live Updates

ایس ای سی پی نے فیڈرل جوڈیشل اکیڈمی کارپوریٹ لیگل فریم ورک پر بینکنگ کورٹ کے ججوں کے لیے خصوصی تربیت کا انعقاد کیا

بدھ 4 جون 2025 22:26

کراچی (اُردو پوائنٹ اخبارتازہ ترین - این این آئی۔ 04 جون2025ء) ایس ای سی پی نے فیڈرل جوڈیشل اکیڈمی )ایف جے ای( کے اشتراک سے بینکنگ کورٹ کے ججوں کے لیے پاکستان کے کارپوریٹ قانونی فریم ورک پر اپنی نوعیت کا پہلا تربیتی پروگرام شروع کیا۔ یہ تین روزہ تربیت 2 سے 4 جون 2025 تک ایف جے اے میں منعقد ہوا، جو عدالتی صلاحیت میں اضافے اور ریگولیٹری و عدالتی ہم آہنگی کے میدان میں ایک اہم سنگ میل ہے۔

شرکت کرنے والے ججوں کو باضابطہ طور پر ان مقدمات کی سماعت کے لیے نامزد کیا گیا ہے جو ایس ای سی پی کی زیرِ نگرانی قوانین کے تحت شروع کیے جاتے ہیں۔ ان مقدمات میں وائٹ کالر کرائم، مالیاتی دھوکہ دہی، ضوابط کی خلاف ورزیاں، اور کمپنیز ایکٹ 2017 اور سیکیورٹیز ایکٹ 2015 جیسے قوانین کے تحت جرائم شامل ہیں۔

(جاری ہے)

اس تناظر میں، ان ججوں کا کردار قانون کی حکمرانی کو برقرار رکھنے اور پاکستان کے کارپوریٹ و مالیاتی شعبوں میں اعتماد کو فروغ دینے کے لیے نہایت اہم ہے۔

یہ ٹرینگ جامع انداز میں ترتیب دی گئی تھی، جسے ایس ای سی پی کے کمشنرز، ایگزیکٹو ڈائریکٹرز اور سینئر ماہرین نے فراہم کی۔ تربیتی سیشنز میں مختلف موضوعات شامل تھے ۔ جیسے کمپنی کی رجسٹریشن، لائسنسنگ کے نظام، مالیاتی رپورٹنگ، کیپیٹل مارکیٹ سے متعلق جرائم، تحقیقاتی اختیارات، اور ابھرتے ہوئے ریگولیٹری چیلنجز۔فیڈرل جوڈیشل اکیڈمی نے اس ٹرینگ کو مثر اور عدلیہ کی بدلتی ہوئی پیشہ ورانہ ضروریات کے مطابق بنانے میں کلیدی کردار ادا کیا۔

پروگرام کا اختتام سرٹیفکیٹ تقسیم کرنے کی تقریب سے ہوا، جس کے مہمانِ خصوصی معزز جناب جسٹس میاں گل حسن اورنگزیب، جج سپریم کورٹ آف پاکستان تھے۔یہ اقدام ایس ای سی پی کے عدالتی عمدگی کے فروغ اور مثر قانونی کارروائی کے عزم کو اجاگر کرتا ہے۔ یہ ایک باخبر، اشتراکی اور متحرک نفاذی نظام کی بنیاد بھی رکھتا ہے ،جہاں ریگولیٹرز اور عدالتیں ایک جدید اور پیچیدہ مالیاتی ماحول میں قانون کی بالادستی کو یقینی بنانے کے لیے باہم ہو کر کام کرتی ہیں۔